Read Car_Nicobarese YŌP 13 Bible Online

YŌP 13 - Car_Nicobarese bible

YŌP 13

¹Yĕh meuk, meuk në nun në mat chu nö ṙòkhöre, hang ngih nang chu akahalōn inrē tö e.

²Öp mikahkūö meh, akaha- kūö chū-ö inrē; Hö-ö chin höö-angen tö meh.

³Hòṅ vë-ekūö ngam Tökeu- heūttöre Chöngö pöri chū- ö, hön hatönkö ngam fālen re inrē im Tēv.

⁴Ane yin yī-ö mī-isohnyö mi- nyôinyaṅ; ṙòkhöre yin lamë-en tövahavö töt kanôluṙô.

⁵Sòk yin öre ui ṙô-òvö, ngaich mikah yīö öre angū-ö!

⁶Hang chööḵnyö chu tönga- muh, hangihtö në vinë-elkui i minuh chu.

⁷Hòṅ minyôiny öm im Tēv, ṙô tö michīl inrē in ò?

⁸Hòṅ hameuktö töròngti öm in ò, hòṅ im Tēv ṙô öm vë-elkui ngih fālen?

⁹Tölöök öng min nö in meh yē ò nö chöhö meh? Hēk kô öm hapūten ò, sā öp mahapūtö tarik?

¹⁰Öt hō öp min nö öt vëken meh yē meh ulāikenre ha- meuktö töròngtī.

¹¹Öt ngāng öm min töp minā- aṅ ò, öp pinhë-eṅ ò inrē nö fukkui meh?

¹²Inchōḵo ṙô tisum an ngam kamngö ṙô meh, minë lanaklö meh, tilin nö lanaklö.

¹³Hökngen chu öt ṙô-òvö, ngaich ṙô-òv chū-ö min, hökngen öp töyòh inrē nö yih nö in chu.

¹⁴Hòṅ kē ngam alahare chin i kanap re, ṙātö nômöre inrē eltī re.

¹⁵Yĕh meuk, fëlngen chu an min; öt maheūṅkku chin; sön chū-ö min laklö në talöö- köre i kūö ò.

¹⁶Angū-ö an min inyööken chu, tö ngòh tötlöök tarik min nö öt yih nö i kūö ò.

¹⁷Ṙēmen hangih tö ṙô chu, hökngen öp vahënyö chu inrē nö elnang meh.

¹⁸Yĕh meuk, halēn ngih fālen re chin; akahalōn chin tö chu min kô-en.

¹⁹Achīö ap umuh tö hòṅ lā-al chu? hòṅ chu ngaich öt ṙô-òvö ka- pah inrē.

²⁰Un höng nëtö kahëtī in chu, hòṅ chu chū-ö min öt hanyatngöre tö- kūö meh:

²¹Ṙā-angtī re marôvat tö chu, uich hökiṙen ngāng tö pin- hë-eṅkūö tö meh.

²²Havëkūö chu, sapṙô chū-ö min; hēk höknyô chu, ngaich sapṙô chu më-eṅ.

²³Ām nup öt lanöökö chu tö- kööl chu inrē? Mikahtölōn chu tö tanôich- ngen tökööl chu inrē.

²⁴Kūöyòh öm hanyatngökūö re kaheukten chu inrē lā-al meh?

²⁵Hòṅ pinhë-elkūö rōi chōn öm tö heūilö, lūḵ tönyô uk nëlö inrē?

²⁶Pò meh kūich tö-angūöṅuvö in chu, vīten chu inrē amīnu tö öt la- nöökö inyālö re.

²⁷Kēhöt kalröön chu man el inlök, aṅtö në talöökö chu inrē; tölngu tī man tö talöökö kintāl elröön chu.

²⁸Chīöṅpngö ön ngòh tarik sā töchahū-uyö, sā hilā inrē tö möötö tö maneui.