Read Car_Nicobarese YŌP 16 Bible Online

YŌP 16 - Car_Nicobarese bible

YŌP 16

¹Sapṙô ngaich Yōp:

²Pōyen ahang chin tö tö ngati; tötkôlò yin yī-ö mahaṙamlōn.

³Öt rītu ön min në ṙô kuföt? Hēk suh inrunnyö ṙô meh sap- ṙô?

⁴Hòṅ ṙô-òv chin chū-ö inrē sā meh, yē meh öre ing chūök chu; kô-òren öre chū-ö hamūl ṙô nö lā-al meh, kichinykūö re inrē in meh.

⁵Kô-òre öre chū-ö hangëlen meh tö elvāng re, nup ṙanëmö në minuh chu inrē öre nö ṙaptö chanö- kö meh.

⁶Yē chu ṙô-òvö, öt ṙātöre öp chanökö chu, yē chu hamööyöre, i ṙôken ngaich angū-ö nö ṙāngen chu?

⁷Kô-en an ngam Tēv nö hachëi- ken chu; vīten chu an ṙā-ai tö yik holre.

⁸Hanyīchngen chu an inrē, ngam inmeuktö kumnyahlōn nö in chu; ngam lanëvö chu inrē choholre nö lā-al chu, I kūö chu an nö hameuktu.

⁹I lanīnöre an nö chiṙesngen chu, surīkhen chu inrē; kapkui kanap re an nö in chu; hangëḵ matre an nö in chu ngam lā-al chu.

¹⁰Vā-alkūö re tarik nö in chu, fatāk arëkūö chu cha-a nö miyëḵṙen, hamūlöre cha-a nö lā-al chu.

¹¹Kētu chin tö ngam Tēv i tötlöök, kavaltu inrē eltī tötlöök.

¹²Tökuchīken chū-ö, lireuk- ngen chu anga-aṅ öich pa- nyeny; kē likeun chu anga-aṅ pinyā- chö chu inrē; asöklen chu anga-aṅ öich kam- ngö tī ò,

¹³Havīlen chu yip lumreny in ò. Luvënyukūö nup elkilpong chu nö fāngö, öt ṙālöng; ṙösnyu öp tö-angūöṅ chu nö el tumlat.

¹⁴Lireūkö chu anga-aṅ nö ha- mëngö chu; fal nö i kui chu anga-aṅ nö ha- mëngö chu; fal nö i kui chu anga-aṅ sā kumyung.

¹⁵Chōktö sāk chin i uk alahare, ṙātö ngam kumlēḵre inrē el tumlat.

¹⁶Turëṙö elmat chū-ö kūö pi- neūnyö, në taseūmat chu inrē kufëi nö sinngūlö;

¹⁷Pòrô öich öt aṅhav eltī tö chanökhuṙen, het inrē ngam ṙô chu vinë-eṅ- kūötēv,

¹⁸Aō tumlat, un kahultukui ngam mahām chu, un kôtökūö inrē ngam ṙô chu peuny tö chūök haneūheu.

¹⁹Yĕh meuk, pòrô nö tönga- muh, el halīöngö an ngam vamënyen chu, lā tulöng inrē ngam mahaköpö chu.

²⁰Minônngen chu yip hol chu; kitaknyö mak mat re chū-ö im Tēv,

²¹Hòṅ ò nö haköpkö ngam chanipö tarik nö im Tēv, sā ngòh tarik nö i holre.

²²Pòn öt ṙōltöre samyeūheu nö yih ngaich kiröönngöre chū-ö min ip chūökre hēk öt havan.