Read Car_Nicobarese YŌP 17 Bible Online

YŌP 17 - Car_Nicobarese bible

YŌP 17

¹Lakūki ellōn chin, keuheūt nuk sakāmö chu, lēn ap anūlö chu.

²Havīlöng chin tö mumnôn- ngenre, köp an ngam mat chu nö in yip maharunnyö lanīnö.

³Ṙātöp kinlēḵngô in chu nö in meh; achiāp umuh töhō nö ṙënngô chu min?

⁴Yē meh ngaich löpngökūö kuilōn cha tö mikah elmat lökten man min öt halöngten cha nö mihôiṅ.

⁵Anga-aṅ ngòh vamë-eny fālen yik holre, pòn hòṅ michööḵ tö inlānen cha, öt meuk min yip kūön ò.

⁶Vīten chu anga-aṅ nyamṙô vē tarik, ngaich chū-ö inrē lā kūö tökösi elmat tö tarik.

⁷Kūö miṙivlōn ngih mat chu nö paṙeūma, ṙòkhöre inrē në tūmö alaha chu nö sā nyat.

⁸Pa-ekūö vē töchiplen tarik tö e, ngaich yip töt ma-akah tökööl nö chōholre nö lāḵlö ngam tötlöök.

⁹Sön ngam tölöök nö haköp talöököre, anga-aṅ inrē ngam töhet eltī nö kalēḵlöre.

¹⁰Ṙòkhöre pöri yī-ö yih hēk, ngaich rö-ö chū-ö kôtökūö in yīö tö tö-akaha tarik.

¹¹Ngaich nuk sakāmö chu, payāyi nuk halēnlö chu, nuk kui ngih lōn chu.

¹²Vī hatööm yin nö sakāmö; cheūtòng ngam hanātö, tö kūö ngam sinngūlö.

¹³Yē chu chöh Chūök Kupah nö patī chu, yē chu haṙĕhtö chamam re, el sinngūlö,

¹⁴Yē chu ngö ṙô tö ngam anūlö, Më-eṅ man yöng chu kikōnyö, tö ngam kamlökö inrē, Yöng chu kikānö, hēk Kanānö chu,

¹⁵I suh ap pökeh mahaūṅkkö chu, chiāp töhòṅ meuk ma- heūṅkkö chu?

¹⁶Meutti ap min nö i kūö inkūp ap Chūök Kupah? Holre öi kòh yôkti el pitung?