Read Car_Nicobarese YŌP 18 Bible Online

YŌP 18 - Car_Nicobarese bible

YŌP 18

¹Ngaich sapṙô ang Piltāt ök aṅ Sūh;

²I rô-òten öm min chöh ṙô? Ngëicha, ngaich möl ayī-ö ṙô- òvö.

³Kūöyòh öi īhö kaheuktu sā nuā?

⁴Me-eṅ mahaköhngen re i tanānyöre, kūö meh öng min ngih panam nö ṙā-ayö, Hēk kē-ĕyö në ihong nö ṙā-ang i chūök re?

⁵Hòṅ, hanyāngi an ngam ëāṅvö tötlöök, öt yāngökūö an inrē ngam tameūyö ò.

⁶Sangūla ap ëāṅvö el rūkui ò, hanyāngi inrē ap ëāṅvö i kui ò.

⁷Hacheū-euyö tökalēḵ vanāngö ò sukten ò inrē ap halēnlö ò.

⁸Pò ò nö kūö röönre nö kaval- hötre nö el inhāṅl, vāngkui chūök sanuktöre anga- aṅ.

⁹Tingöpö kulôchröön anga- aṅ, kô-òngvah kūö tinföt tö ò.

¹⁰Hanyāti ap tökuvaha el tum- lat nūöt ò, el kanröönö ò ap tinngöṅp ò.

¹¹Āṅngöre lā-a pinhë-eṅkūö nö pinëṅken ò, söl kulôchröön ò nö lūḵ an inrē.

¹²Keuheūt kumlēḵ ò kūö kin- pahare, höngöre öt kanôlò inrē nö afukngen ò.

¹³Keuheūt uk alaha ò kūö vah, keuheūt pak alaha ò kūö lanòh kinpaha.

¹⁴Ṙā-ang el inrūkui anga-aṅ nö kē-ĕyö i chūök inyönglen ò, kētu anga-aṅ inrē i rācha pin- hë-eṅkūö.

¹⁵El rūkui ò nup töt chehen ò; pirātī ihong tameūyö nö i kui chūök ò.

¹⁶Nyôngö ṙĕh el katòh ò, lā tulöng inrē nyangngö pak ò

¹⁷Ṙā-ang im tumlat kanöpö- lōn ò nö payāyi, öt minënyu anga-aṅ inrē nö el talöökö.

¹⁸Kuringhötvö anga-aṅ el sin- ngūlö nö ṙā-ang el hanātö, ahōṙi inrē nö ṙā-ang i panam.

¹⁹Öt kūönu anga-aṅ nö in yip tarik ò, öt hĕng tak tö-aṅ inrē i chūök ò ṙung nö iyöng.

²⁰Pa-ekūö tö sakāmö ò yip aṅ lā sūng, kē-ĕ cha-a tö pinhë-eṅkūö yip aṅ lā chuhöt.

²¹Kô-en nö ngatī elyöngö töt- löök, ngatī chūök ön ngòh töt akaha kūö töm Tēv.