Read Car_Nicobarese YŌP 23 Bible Online

YŌP 23 - Car_Nicobarese bible

YŌP 23

¹Sapṙô ang Yōp:

²Angū-uṅvö an inrē ngam mirīvlōn chu tövënyuvö töngamuh, pòrô ngam inlūhu chu, langan ngam kël ò.

³Mah, akahakūö chin öre tö chūök re kôtökūö tö ò, hòṅ chu yihtöre ip anūichö ò!

⁴I kūö ò tī öre chū-ö ṙātöng falngen re hatööḵlö elvāng re inrē tö kinīlö ṙô.

⁵Haköp öp sanap ṙô ò öre chū-ö, ngaich akaha elnang tö ṙô ò tö chu.

⁶Hòṅ lā-al chu ap ip ṙôkö minhôiṅyö ò? Hö-ö; hang ṙô chu ap min.

⁷In e öp töchiplen tarik kô- òren nö vë-ekūö ò, ngaich chū-ö öre ṙā-ayö örheū- heu töp ma-akah fālen chu.

⁸Yĕh meuk kū-ötö lā urĕh chin, hö-ö pöri anga-aṅ nö umuh; heūlritre inrē ötkô pöri öich meūkan;

⁹Lahāmö chin chöhan, ötkô pöri öich meūkan; lahāmö chin kānngöre, ötkô pöri meūkan.

¹⁰Akahalōn pöri anga-aṅ tö- talöökö chu; hē ò nö kalaha chu, meutnyi min chū-ö sā humlum.

¹¹Köp nun në röön chu nö i vanāngö ò; köp chin tö talöökö ò öt kānngöre inrē.

¹²Hö-ö chin ṙāngö chöngö minuh ò; halīniṙen nup ṙô elvāng ò nö elngòh chu.

¹³Töt haṙīköre pöri Anga-aṅ ngaich chīö tökô nö havāng- ken ò? Nup lōn ò, anū-ö la-en ò.

¹⁴Pò ò min nö keuheūtngö tī re töp halēnlö ò nö in chu; pōyen nup töngatī inrē nö ellōn ò.

¹⁵Lökten chin pa-ekūö i kūö ò; yē chu chöh ellōn re, pa-ekūö chū-ö tö ò.

¹⁶Lanyëyi ap ellōn chu nö vītu töm Tēv; pinëṅka chin ngaich tö ngam Tökeuheūttöre Chöngö;

¹⁷Pò chu havīlöngö tö sinngūlö, kahūlikūö inrē tö tökufëi sin- ngūlö.