Read Car_Nicobarese YŌP 24 Bible Online

YŌP 24 - Car_Nicobarese bible

YŌP 24

¹Kūöyòh nup hē inkaha fālen tö ngam Tökeuheūttöre Chöngö nö öt haköpka, kūöyòh yip cha-a tö akahakūö tö ò nö öt hĕng heuh nö meuk sakāmö?

²Kēnyö minkahngökūö panam yin vē tarik; kē töṙeūla cha-a ha-āṅhal u inrē.

³Ahōṙiyö tö cha nup köttö yip kūön yōich; kē kōiny nuā tafīösi cha-a inrē nö kinlēḵngô.

⁴Kuringngö yāich cha-a nö el talöökö; ṙòkhöre yip yāich aṅ ngam tumlat nö hayunngöre tö cha.

⁵Yĕh meuk, sā köttö cha-a aṅ el inchōnngö nö el tönyalnyi kiröönngöre cha-a nö i la- enre, chöh nyā-aṅkūö re nö el inchōn nyā-aṅkūö yip kūön cha.

⁶El kahôyö cha-a nö hamūl tönyô kiyôp chap pintū-en inrē cha-a nö el panô-òṅ vāin öp tötlöök tarik.

⁷Hĕng mitööm cha-a nö hulal- haka nö chumlal, nöng ök hilāṙu, öt kinṙūmū inrē nö el laneūchö.

⁸Nyôp cha-a tö kumṙah kui rôngö, simtöre nö i ihong pòn öt innyatlu.

⁹(Umuh yik fumlinynyökūö kūönyōich nö pōḵ, kēngö tënö nyīö inrē kūön yāich nö kinlēḵngô.)

¹⁰Chumlal cha-a nöng havöt- köre, nöng öt hilāṙuvö; kapahare, tayuk afō sāiny cha- a;

¹¹I nup tö töökhaka cha-a ôliv yip tötlöök nö vī tavī-i; röön kinrān vāin cha-a haṙëhe nômö pöri.

¹²Löknyö elpanam öp inlūhu töhòṅ kapah, havëkö holṙen re öp nômö tö hanyahka; ötkūöngenre pöri ngam Tēv tö ṙô cha nö vë-ekūö ò.

¹³Umuh yip cha-a ma-ahôngen nö lā-al hanātö, yip töt ulòhten nö i talöökö e, öt tö ngöh inrē nö el kanröönö e.

¹⁴El sinngūlö famël tarik nö choholre, pòn hòṅ fëlngö yāich tötkôlò inrē; sā mū-ulāya anga-aṅ inrē tö el hatööm.

¹⁵Hökkö chinṙivtö harap inrē öp mat öp ma-asēha, ngö ṙô, Öt mātu min mameūkö chu; harīkngen kūöre anga-aṅ inrē.

¹⁶El sinngūlö cha-a nö ul nö tufunngö patī; öpngökūö re cha-a tö sakāmö; öt akahakūö cha-a tö hanātö.

¹⁷Pòn peuheū nö in cha ngam tökufëi sinngūlö; pò cha nö holre tö pinhë- eṅkūö ngam tökufëi sinngū- lö;

¹⁸Ngö ṙô me-eṅ, Veut yik nö hëmngö nö i kui minë mak; rūtivah öp minchööḵö cha ing panam; öt havantöre ramöönnyö ṙòng vāin nö kū-ötö öp panô-òṅ vāin cha.

¹⁹Kē-ĕyö nup tö kënngöre mak tö nyanôṙö ṙanāchö inrē, Ngatī tī ngam Chūök Tökapah tö tököölö fālen.

²⁰Vāichngö tö cha öp töfën mirëṙö chūök elpanam; ötköp nö ngaich nuk minë-eny cha; ngatī ngam öt lanöökö nö liköli sā chōn.

²¹Nyāngö nyā-aṅkūö kikānö cha-a töt mikūönlö, ötkanôluṙô tī inrē töp tafīösi.

²²Ngaich sön ngam Tēv nö ṙūötö rôta nômö tökalēḵ nö i minhôiṅyö ò; choholre cha-a yē cha nö uhā- ngöreṙen tö nômö.

²³Kētö kanöpö cha anga-aṅ, holṙen cha inrē; el talöökö cha inrē nup mat ò.

²⁴Hapōilöng cha-a rĕh rô- òten, chaṙēviyö ngaich; nyangngö cha-a sā chōn; fāngi cha-a ngaich sā sāiny.

²⁵Yĕn öt ngatī, chiāp tökô nö hameuktö minyônyaṅ chu; nö hameukhöti inrē töp ṙô chu nö töt kanôluṙô?