Read Car_Nicobarese YŌP 28 Bible Online

YŌP 28 - Car_Nicobarese bible

YŌP 28

¹Kô-en öp tö-ūlö chūök rupīö, chūök humlum inrē töha- lööktitvö tö cha.

²Ṙā-ang el tumlat vët nö kē-ĕ, haṙöichi inrē mās nö ṙā-ang i nup ōr.

³Öt sinngūluvö tö tī tarik söl manā-angkūö inrē nö chöh ōr ip tösangūlö tökufëi inrē sinngūlö.

⁴Löpnyökūö löktöre inrē cha-a el achāṙö marôvat tö elyö- ngö tarik; vāchiyö cha-a tö kumröönköre, kilölhaka cha-a marôvat tö tarik, chahīöṙa cha-a nö katēla.

⁵Löklö el tumlat pöri nyā-aṅ- kūö nö yih; el katòh e pöri nö havānglöngö nö sā tameūyö.

⁶Chūök safir nup ihong e, in e inrē pinṙōngö humlum.

⁷Öt akahakūö kamāḵ alaha chehechōn töp talöökö angū- ö, öt meūkö e inrē nup mat kitēvö.

⁸Öt lök in e töṙeūla tökeū; öt chööḵngö kui e lāyön.

⁹Kētö tīre tarik im töngëḵ ihong, löklö ṙĕh tī inrē nö afatlö rôngö.

¹⁰Fung talöökö anga-aṅ i ihong, keuheūtlöre maheuṅk anga-aṅ inrē tö töpōi ṙāi chehen.

¹¹Löpngökūö mak anga-aṅ lök- ten u nö öt katakköiny aṅ, el hanātö tī anga-aṅ inrē tö tönyatngö chehen.

¹²Isuh pöri min mikah nö kôti? Isuāp inrē chūök mikah elmat?

¹³Öt akahakūö ngòh tarik tö tölöök in e, Ötkôtī an inrē nö i panam tö-aṅ.

¹⁴Ngö ṙô ngam tö-aṙūḵ, Öt in chu ap, ngö ṙô inrē ngam mai, Öt īnu chin tö e.

¹⁵Öt hanvahen ap tö humlum, ötkô inrē rupīö nö kalaha lum- ngan nö ṙāi e.

¹⁶Ötkô angū-ö nö ṙāi tö hum- lum aṅ ôfīr, töpōiṙāi ònik hēk safīr.

¹⁷Öt sāta nö in e humlum tin- mël inrē, öt rēhĕn nö kô nö haṙī-i tö yanöṅtö aṅ i tö pahīöya humlum.

¹⁸Ötkakka tövī-i aṅ i lanit hēk tösehngöre ihong; tulöng ṙāi mikah tö töpōiṙāi tasëhe.

¹⁹Öt hanṙongten nö in e topās aṅ i Itiopīa, öt rēhĕn nö hanṙāyen tö tölöök humlum.

²⁰Ṙamā-ang yih öng pökeh ngih mikah? Isuh ap inrē chūök mikah el- mat?

²¹Nyatngö ap tö mat tö-aṅ, hayūni inrē i nup el kuföt chehechōn.

²²Ngö ṙô Apatön töm Kinpaha, Hang ineūkö e nun në elnang ih īhö,

²³Akahakūö an ngam Tēv tö talöökö e, akahalōn inrē tö chūök e.

²⁴Pòn ngëichkö manā-angkūö ngam tumlat, meuk tökeuheūttöre inrē el ka- tòh halīöngö,

²⁵Hē ò nö kētö lumngan e nö im kuföt, kalah ṙôken minë mak inrē.

²⁶Hē ò nö kētö chöngö minë kumṙah, talöökö hanyāṅlö ngam kun- ṙôkö inrē;

²⁷Meukö e anga-aṅ ngaich vë- eny e inrē; haköpngö e anga-aṅ, chöhlö e inrē.

²⁸Ngö ṙô ngaich anga-aṅ tö tarik, yĕh meuk, ngam pinhë-eṅkūö tö ngam Mā, angū-ö an mikah; ngam ṙinā-ngö tötlöök inrē mi- kah elmat.