Read Car_Nicobarese YŌP 29 Bible Online

YŌP 29 - Car_Nicobarese bible

YŌP 29

¹Ngaich hēk Yōp nö kaknyöre, nö ngö ṙô:

²Ahā, i nuk hötṙeh chingëṅt chin öre, sā nuk sakāmö hē ngam Tēv nö meukken chu;

³Hē ngam ëāṅvö ò nö i kui chu nö hūkūö, lök el sinngūlö chū-ö ngaich im hanātö aṅ in ò;

⁴Sā chu i nuk sakāmö ilūöi, hē ngam innôlö ngam Tēv nö el rūkui chu;

⁵Hē ngam Tökeuheūttöre Chö- ngö nö ṙòngmö in chu, hē yik kūön chu nö havīlen chu;

⁶Hē në röön chu nö söichö tö aṅteh, asënyö tavī-i inrē ngam ihong nö in chu nö hëmnyi!

⁷Hē chu kunyī-inyre i kūö in- kūp ngam elpanam, hē chu halöök anūchöre el ngam töngāṅ,

⁸Meūkö chu yip ṙālö tarik heūl- ngöre, ngaich chōholre inrē tököiny nö sök- haka;

⁹Ṙāngö ṙô re kūön rācha nö kahôka, tilup elvāng re inrē;

¹⁰Ṙēmö ṙô yip mā, tanlö litāk cha-a nö el mirālö elvāng cha.

¹¹Yē ngam nang nö hang, tö- kôlò chū-ö tö ṙô e, yē ngam mat nö meuk inrē, hō-en e angū-ö;

¹²Pò chu ṙānyö yāich öp pa- meuny, kūönyōich inrē öp töt hamôluṙen.

¹³Öp inkôlò ò öp töhòṅ ngaich- ngen yih nö i kui chu, kônyô tī chū-ö tö ellōn tafīösi nö tikökṙôre ṙāmölōn inrē.

¹⁴Hayutlöre chū-ö tö lanöökö, hayūtö chu ngaich angū-ö, sā tökiröng inyut vanönkui inrē, ngam tötmichūöṙen aṅ in chu inkaha fālen.

¹⁵Mat ngòh tötmeuk chū-ö kal- röön ngòh tökaròk inrē.

¹⁶Yöng ngòh yāich chū-ö chöh- lö chööḵnyö ò inrē öp töt akahakūö tö chu.

¹⁷Likölngö kanël öp tömichūḵ- ṙen chū-ö, vīten ò inrē nö katānyö öp pôḵ re nö ṙā-ang i kanap ò.

¹⁸Ngö lōn chū-ö ngaich, El chūök re chin min kapah, ṙūölö ṙôken sakāmö re inrē sā kuyāyö,

¹⁹Parāt köny nup ṙĕh chu nö el mat, irōi pak chu nup tacham tö hatööm,

²⁰Ayal kanôlò nö in cha, tufömngöre ngam linreny eltī chu örheūheu.

²¹Hang ṙô chu tarik, höktöre inrē, chēvhak inrē ip inlēnö tö chu.

²²Keuheūtö ṙô chū-ö, öt hēk cha-a nö ṙô-òvö, fuk in cha inrē öp ṙô chu.

²³Hökken chu cha-a sā hinökkö kumṙah; vā-alkūö re inrē cha-a nö höng kumṙah kūö aṙū.

²⁴Hayīölken cha chū-ö yē cha nö öt hayönglen re; hö-ö cha-a inrē nö sukngö hanātö arëkūö chu.

²⁵Atöllö talöökö cha chū-ö, ūichhak inrē sā mākūö, sā rācha chū-ö inrē iyöng in yip kumyunglöre, sā ò ök mahaṙamlōn tö ha- ṙīvlōn.