Read Car_Nicobarese YŌP 35 Bible Online

YŌP 35 - Car_Nicobarese bible

YŌP 35

¹Ngaich ngö ṙô Elihū:

²Tölöök öng ngih tölōn meh? Ngö ṙô ömeh, Ikūö ngam Tēv an ngam mikah chu,

³Tö meh ngö ṙô, Suh ap kanôlò chu? Suāp anehten chu yē chu köölö fālen?

⁴Hòṅ sapṙô meh chin tö më hol meh inrē.

⁵Ngëichköm halīöngö, meuk inrē; meuk minë taṙul inrē, minë lātulöng tö meh.

⁶Yē meh köölö fālen, suh ap hateungngö meh lā-al- kūö ò? Yē nup tanôichngen meh inrē nö ṙūölöre ṙôken, sitih tī ömeh tö ò?

⁷Yē meh löök, suh ap tī meh in ò; hēk suh taneūngen ò nö eltī meh?

⁸I tarik an ngam öt lanöökö meh tö sā meh, ngam lanöökö meh inrē i kūön tarik.

⁹Kūö ṙôken inkihten tarik nö kônyi ṙô; havëkö holṙen re cha-a kūö kël ngam tökalēḵ.

¹⁰Öt hĕng tak pöri tö ngö ṙô, Isuh ap Tēv vamī-i chu, öp tumkökṙôre tö hatööm,

¹¹Öp mahaköpten hī nö mötlö tö töṙeūla ing tumlat, vīten hī inrē akaha mötlö tö chehechōn el kuföt?

¹²Umuh anū-ö nö hūḵa, hö-ö pöri anga-aṅ nö sapṙô, kūö inkeūlen tötlöök tarik.

¹³Kô-en ngam Tēv nö öt hang- ṙô töt aṅhaṅv ṙô, öt rēhĕn ngam Tökeuheūttöre Chöngö nö kūöngen re tö e.

¹⁴Höichngen yē meh ve-enyre öt meūkan, i kūö ò an ngam fālen, ngaich më-eṅ hökken ò!

¹⁵Ngaich, pò ngam tanānyö ò nö öt tī tö sācha, ngaich anga-aṅ inrē nö öt kūö- ngen re tö tanôichngen,

¹⁶Vā-anykūö re ngaich Yōp nö ṙôtö töt aṅhaṅv, ṙūölö ṙôken ṙô anga-aṅ nöng öt akaha.