Read Car_Nicobarese YŌP 36 Bible Online

YŌP 36 - Car_Nicobarese bible

YŌP 36

¹I ṙūöhöṙô inrē Elihū, nö ngö ṙô:

²Rahëichtören hamöitöre in chu, hòṅ chu hameukhömat meh, tön ōttöre ṙô chin lā im Tēv.

³Ṙeū-eung tömarôvat, chin kē ngam mikah, ngaich ngam lanöökö nö aṅ im vamī-i chu tö ṙô chu.

⁴Pòn kô-en në ṙô chu nö öt mi- nyôiny; in meh an ngam töteung nö i mikah.

⁵Yĕh meuk, Tēv an Tökeuheūt- töre Chöngö, öt töhĕng tak hayëngen; Tökalēḵ an i kumlēḵ mikah elmat.

⁶Öt aṅhaṅtī an tö tötlöök, kē-ĕkūö töhakihtuṙen pöri tö minā-aṅ cha.

⁷Öt chingāngö mat re anga-aṅ tö tölöök, in yip rācha pöri më-el kantēra ha-ūichlen cha anga-aṅ nö hapōilöngö.

⁸Yē cha nö halökö nyëkö inrē tö tökuvaha inkihten,

⁹Ngaich anga-aṅ nö vë-eny nang cha tö nup la-en ta- nôichngen cha, pò cha nö kësen inlahen.

¹⁰Löpnyökūö elnang cha anga- aṅ tö inköphöti, tölṙô cha inrē nö havantöre ṙā-ang i ötlanöökö.

¹¹Yē cha nö hang lök la-en ò inrē, keuheūtngen nup sakāmö re cha-a ngaich nö i kanôlò, nup samyeūheu cha inrē i kum- chikṙen.

¹²Yē cha pöri nö öt hang ṙô, lëlngö cha-a ngaich tökūö sa nët, kapah inrē nöng öt akaha.

¹³Ööire ön ngòh tötlöök tö tanāinyö nö ellōn re; öt havëkö holṙen re an yē ò nö nyëkö tö u.

¹⁴I inyālöre cha-a nö kapah, sinrōngkūö inrē manāngen nômö cha.

¹⁵Ṙānyö töhakihtuṙen anga-aṅ lökten im inkihten tö cha, löpnyökūö elnang cha inrē lökten ip lā-al cha.

¹⁶Haṙöinyen meh inrē anga-aṅ ṙā-ang el kanihngen el tö- pōiti chūökö i chūök töt sikngö, ngaich nup töṙātu el ap mīs meh nöng tösangöö nyöre,

¹⁷Tööḵlö pöri më-eṅ tö inkaha fālen tötlöök; kē-ĕ meh inrē inkaha fālen töt michūṙen kinṙôka inrē.

¹⁸Haṙēmngenre hòṅ ngam la- nīnö nö öt haṙöingen meh nö im miyëḵṙen; uh an inrē ngam ṙôkö ṙāi tarik nö kānngöre tī tö meh.

¹⁹Kô öng ngam ṙô meh havë-a nö lakngen meh tö kanih- ngen, hēk nuk kumlēḵ meh inrē?

²⁰Un meūkkö hatööm, hē tarik nö rökiṙen nö i nup chūök cha.

²¹Haṙēmngenre, un vītöre i öt lanöökö, tön angū-ö an atöllö meh nö mötlö tö inkihten.

²²Yĕh meuk, im minhôiṅyöre an ngam Tēv nö hapōilöngö; chiāp tö sā ò mahaköphöti?

²³Chiāp mahalēnlö talöökö ò, hēk chiāp tökô nö ngö ṙô, Vaich man?

²⁴Köpölōn hapōilö la-en ò, öp tinkökngö tarik.

²⁵Ṙòkhöre tarik nö hatīönken e; hatīönken e tarik nö marôvat.

²⁶Yĕh meuk, kiröng an ngam Tēv, öt akahakūö ayī-ö tö ò; öt chanöhen nup tum sam- yeūheu ò.

²⁷Pò ò nö tūöklö kintākö mak tilī tacham re anga-aṅ nö kumṙah

²⁸Öp tövōknyu tö minë taṙul, pōyen ngaich nö katakköti nö i kui tarik.

²⁹Öp tövōknyu tö minë taṙul, pōyen ngaich nö katakköti nö i kui tarik.

³⁰Hĕng tak hòng tökô nö akaha elmat tö innyāknyö minë taṙul, tö nup sinrūhu inrūkui ò?

³¹Yĕh meuk, pirātngö hanyālö an nö havīlen ò, hanyatngö ṙĕh ngam mai inrē.

³²Akah fālen tarik anga-aṅ nö lökten in u; pōyen tī anga-aṅ nö kētö nyā- aṅkūö.

³³Hanyatngö këlre anga-aṅ aṅtī tö hanyāṅlö, tölṙô e inrē nö fohtöre ip inkamngö

³⁴Vë-eny inlahen ò ngam tinṙōlngö e, ngam tötainy nö lā-al öt lanöö- kö i kumnyahlōn ò.