Read Car_Nicobarese YŌP 37 Bible Online

YŌP 37 - Car_Nicobarese bible

YŌP 37

¹Kichëyöre öp ellōn chu inrē in ngih, kumööilöre inrē nö ṙā-ang ip chūök e.

²Hangihtöre tö ngam sinrūhu ṙô ò tö ngam tölareūṅnga lök- nyö elvāng ò.

³Hökngö röön e anga-aṅ el katòh ngam halīöngö, ngam hanyālö ò inrē i sin- keukngö ngam tumlat.

⁴Unôichrit e ap ṙô ò nö larōla; kunṙôkö anga-aṅ nö ṙô-òv ip minā-aṅ ò öt haköp ngam hanyālö anga- aṅ yĕn hāngö öp ṙô ò

⁵Pinngangkūö ngam ṙô ngam Tēv sinrūhu; la-evṙen anga-aṅ tö tökiröng öt mikahkūö hī.

⁶Ngö ṙô anga-aṅ tö tacham tökënngöre, Suktöre el tum- lat; tö ngam tö aṙöka kumṙah inrē, Kalēḵ man.

⁷Haköpngö kël tarik anga-aṅ, pòn hōtu tarik nö ṙòkhöre nö akahalōn tö vahīṙen ò.

⁸Chuh el chūökre ngaich nup töṙeūla, höngngöh inrē nö el kinluhu re.

⁹Löknyö el urôhò ò nö yih lamfeui kuföt, laneūchö aṅ ip tö parāti kuföt.

¹⁰Löknyö unhômö ngam Tēv nö kētu tökënngöre mak, ngam töpōiti mak inrē veūten nö kënngöre.

¹¹Hakeunlö tökufëi taṙul anga- aṅ tö tö-ahòng; pirātngö hanyālöre minë taṙul.

¹²I inchō-okūöre anū-ö tö ò nö havīṙöre, nö hateungngö nup chöngö ò tö u I kūö ngam panam tö-aṅhaṅv kūö.

¹³Yĕn chinökṙen, hēk pòn pa- nam ò, hēk kūö hanāngenlōn, anga-aṅ nö halöngten e nö ngatī

¹⁴Ō Yōp hang ngih; söktöre afītöre inrē tö në la-en ngam Tēv pinngangkūö.

¹⁵Akahalōn ömeh tö tī ngam Tēv nö ṙātö kui u tö chö- ngöre, nö vītö ngam hanyālö im taṙul ò nö pachāla?

¹⁶Akahalōn öm tö chinhīöṙö minë taṙul, la-en ò pinngangkūö ngam tö- teung i inkaha,

¹⁷Ngam töṙāichö inyut hē ngam tumlat nö öt halöiny- köre tökūö ngam lòhngö kuföt?

¹⁸Kô ömeh, sā ò, hanyātngö minë halīöngö, ngëḵ nö sā tömiyëṙi tinmël?

¹⁹Haköpten hī töp ṙô hī in ò; ötkô in asöklö ngam fālen re kūö ngam sinngūlö.

²⁰Vënyu nang ap min tö chu öich ṙô-òvö? Tarīku hòng ṙung töhòṅ mīk- tuvö?

²¹Yĕh ngaich yin vē tarik nö ötkô nö hatīön ngam töyang yē e nö ayānga nö el minë taṙul, yē ngam kuföt nö lökö e nö fööngö u.

²²Löktö lā kapā ngaich nö yih öp tösā vanāyö humlum; hayūtö ngam Tēv tö minā-aṅ pinhë-eṅkūö.

²³Ngam Tökeuheūttöre Chö- ngö ötkô in kôtökūö tö ò; kiröng an i minhôiṅyö i kin- ṙôka inrē töt michūṙen, pōyen inrē i lanöökö öthō an nö hachōichngö e.

²⁴Lökten tarik nö pa-ekūö tö ò; öt kūöngenre an tö yip tö akaha nö i michīlre.