Read Car_Nicobarese YŌP 7 Bible Online

YŌP 7 - Car_Nicobarese bible

YŌP 7

¹Röh ang ngòh tarik nö kihngen la-en nö ing tumlat, röh nup sakāmö ò nöng sā sakāmö töngöönka?

²Sā kaitī tö lōn tö tönyat, sā töngöönka inrē mameūkken raneushöre,

³Ngatī chū-ö michööḵö tö chi- ngëṅt töt aṅhāṅvö tökihngen hatööm inrē min- chööḵö chu.

⁴Ngö ṙô, chū-ö yē chu hu- lalngöre, Ĕhē öich min cho- holre? Marôta pöri ngam hatööm, ngaich chū-ö höng halöinykö- re söl minlīlö peuheū.

⁵Inyut tö kamlöökö ngih alaha chu mum inrē; kësö uk alaha chū-ö, ngaich môlnyi kūö tufömngöre.

⁶Veut në sakāmö chu tö kin- pāt hilā, keuheūt ngaich anū-ö öt ma- heūṅkkuvö,

⁷Köpölōn töng nômö chu nöng umhômö; öt hēk min ngih mat chu nö meuk tölöök.

⁸Ngam mat ò ngam mameūkö chu min öt hēk nö meūkö chu; yē ngam mat meh nö ṙòngmö in chu, ngaich chū-ö min ngaich.

⁹Sā pinchöpngö taṙul ngaich chaṙēvi, ngatī anga-aṅ ngòh chamuh el Anūlö nö öt meutlö;

¹⁰Öt havan hēk anga-aṅ nö i patī re, öt rēhĕn öp chūök ò nö akaha- kūö tö ò.

¹¹Lökten chin min öt lak el- vāngre; ṙô-òv chin min i miṙīvellōnre; takāka ṙô chin min iyöng miṙivlōnre.

¹²Mai öich chū-ö, hēk tökiröng aṅ el mai, töp lökten meh ṙātö amahten chu?

¹³Hē chu ngö ṙô, Haṙamlōn chu öp min chamam chu, ṙātö tinkākö ṙô chu öp anūichö chu min.

¹⁴Ngaich më-eṅ pinhëṅtö kūö chu tö heūvö hangāngö chu inrē tö tömeūkö,

¹⁵Lökten chu lahë atöllö kin- seutngö im kinpaha inrē ĕh- ten tö në tangëḵ chu.

¹⁶Sa-òkhö nômö re chin; sōḵ chin örheūheu-aṅ, hökngen chu, tö nöng unhômö në sakāmö chu.

¹⁷Asuh ang ngòh tarik, tö meh urōholōn tö ò, tö meh inrē in ò ellōn,

¹⁸Chöhken ò kaheuk peuheū, kalahan inrē kaheuk ṙētak?

¹⁹I rô-òten öm min öt chingā- ngö kūöre tö chu, öt rēhĕn hökngen chu hanöng saha chu mīktö pēngö re?

²⁰Yē chu köölö fālen, suh la-en öich in meh, më-eṅ amahtö tarik? Kūöyòh öm vīten chu inkam- ngö meh? Kūöyòh öich vītöre lumngan meh?

²¹Kūöyòh öm öt aṙēlöng ta- nôichngen chu kēngö öt lanöökö chu inrē? Pò chuh ngaich öre töngamuh hulalhaka el tumlat; chöhöh chu min më-eṅ, ngaich hö-ö pöri chū-ö min.