Read Car_Nicobarese YŌP 8 Bible Online

YŌP 8 - Car_Nicobarese bible

YŌP 8

¹Ngaich sapṙô ang Piltāt aṅ Sūh:

²I ṙô-òten öm min ṙôtö në, tökiröng kuföt nun minë ṙô elvāng meh?

³Hachōichngö kinṙôka ang ngam Tēv? Hēk hachōichngö töchip ang ngam Tökeuheūtöre Chö- ngö?

⁴Yē yik kūön meh nö köölö fālen nö in Ò, kēten cha anga-aṅ ngaich nö i kumlēḵ tanôichngen cha.

⁵Yē meh hòṅ chöh ngam Tēv vë-ekūö ngam Tökeuheūt- töre Chöngö inrē,

⁶Yē meh het chiplö inrē, öthō anga-aṅ min nö öt haköt- löre tö pòkūö meh, reushen meh inrē ip chūök meh takô.

⁷Pòrô ök ranehlö meh nö kūöṅ- nö, kiröng pöri min nup lā unôich sakāmö meh.

⁸Vë-ekūö meh chin, hatöntöre man i nuk töngaich misī samyeūheu, ngëichkö kanôtökūö yik yöng- re inrē;

⁹Tön höng aṅ vahë in ayī-ö, öt akahakūö tö yô-òv, pò në sakāmö hī ing tumlat nöng nyat.

¹⁰Röh yip nö hōḵ nö haköpten meh, vë-eny nang meh inrē, ṙôtö ṙô inrē lamöknyö i mikah elmat cha?

¹¹Kô ön në pēpirös nö sīöp i törö-ö silāng? Kô tafūyu hòng nö kôlò i törö-ö mak?

¹²Yĕn ṙòngmö pöpnyi ṙòng nö öt fāngi, nyangngö anū-ö urĕh tö tahëng chōn.

¹³Ngatī talöökö yin vē tövaich- ngö tö ngam Tēv; öt kôlò öp min maheūṅkkö öp tarik tötlöök.

¹⁴Latôki min öp innyatlö ò, öp inyönglen ò inrē nöng sā haveūngö kilrööngö.

¹⁵Harônlöre anga-aṅ nö i patī re, öt köp pöri angū-ö; ṙapngö tīre anga-aṅ nö in e, hö-ö pöri angū-ö nö köp.

¹⁶I kūö ngam tavūöi anga-aṅ nö kôlòṙen, parāti nup maneunynyö ò nö el panô-òṅ ò.

¹⁷Vönngö nup ṙēh ò nö i nup ihong töfông; iyöng i nuk ihong anga-aṅ.

¹⁸Yē ò, nö ahātiyö nö im chūökre öt akahakūö min angū-ö tö ò, ngö ṙô, Öt ha-eh chin meūkö meh.

¹⁹Yĕh meuk, angū-ö an kum- chiklōn im talöökö ò, ngaich tahëng min tösīöplö nö löklö im tumlat.

²⁰Yĕh meuk, öt sōḵo tarik an ngam Tēv töt fāluṙen, öt rēhĕn nö kē eltī töla-evṙen tö tötlöök.

²¹Sön an min nö hatööḵöl elnang meh tö nīölö, hinū-a inrē i mimuh meh.

²²Cha-a yip tösumrīk tö meh min tö hayūtö tö miṙē-ĕv, öt ōtre min rūkui tötlöök,