Read Car_Nicobarese YŌP 9 Bible Online

YŌP 9 - Car_Nicobarese bible

YŌP 9

¹Sapṙô ngaich Yōp:

²Kô-en chin akahalōn tö e nö ngatī: Sitih kanô-òṅ pöri ngòh tarik nö löök nö i kūö ngam Tēv?

³Yĕn hĕng tak öp töhòṅ lā-al ò, öt hĕng tak tökô nö hĕng heuh nö sapṙô Ò i tököṅnyu tum heuh.

⁴Ellōn ò öp mikah ò, tökalēḵ inrē nö i kumlēḵ Chiāpa mahangëköre nö lā-al ò, ngaich kô?

⁵Anga-aṅ chumhīöngö rôngö, öt akahalōn anū-ö tö e, hē ò nö chuvallö rit u i tanāinyö re;

⁶Ngam kumyinkö ngih tumlat nö ip chūök e, laröiya inrē nup machööḵlö e;

⁷Tamöl ṙô ngam tavūöi, ngaich öt meutlö anga-aṅ; ngam mahapanlö minë taneū- sömat;

⁸Ngam töng hēngö tī nö hanyāknyö ngam halīöngö, rööntö kui mahūvö ngam mai inrē;

⁹Vamī ngam Për tö ngam Orīön, ngam Plēyāt tö minë rūkui ngam lā lòhngö;

¹⁰Ngam tökiröngö la-en vāng- ngö tö mikah elmat, pinngangkūö inrē öt kanṙeū- ken.

¹¹Yĕh meuk, chööḵngen chu an, hö-ö chū-ö meūkan; iṙūöhöröön an hö-ö pöri chū-ö meūkan.

¹²Yĕh meuk, kachöthëti an; chiāp tökô nö sōḵngen Ò? chiāp min tö ngö ṙô tö Ò, Suāp la-en meh?

¹³Öthō an ngam Tēv nö havan rit ap tanānyö re; sōnhak nö elkatòh ò yip hamòl- ṙen Rāhap.

¹⁴Sitih kanô-òṅ öich chū-ö sap- ṙô ò, atölkö nup ṙô re in Ò?

¹⁵Pòrô chin öt fāluṙen, ötkô öich sapṙô ò; hòṅ havëkö inṙētöre chin ip vamë-eny fālenre.

¹⁶Yē chu havëken ò ngaich sapṙô chu anga-aṅ öt hòṅ ṙātö ellōn re chū-ö tö ò nö hang ṙô chu.

¹⁷Pò ò nö kiṙöpngen chu aṅtī tö chanôich panam, ṙūölö ṙôken nyāha chu inrē nöng öt chööḵnyu;

¹⁸Öt halöngten chu an heuhlö nômöre hatööḵngen chu pöri tö tö-angū-övö.

¹⁹Yē e nö kinlah kumlēḵ, meūkan! Yē e nö töchip nö kinṙôka, chīö tökô nö havëken ò?

²⁰Pòrô chin öt fāluṙen, vënyu min chū-ö tö ngam elvāng re pòrô chin öt chanôcheunvö, hameukten chu min anga-aṅ chōich.

²¹Öt chanôchenvö chin; öt kūö- ngenre chin töre; sa-òkhö nômö re chin.

²²Ṙòkhöre nun nöng hĕng; lökten chin ngö ṙô, hĕnghöre fëlngö töt fehnguṙen an tötlöök inrē.

²³Hē nuk pinlāngen nö kumtö kinpaha töt akahtuṙen, ngaich anga-aṅ nö minônngö pinlāngen töt akaha.

²⁴Kētu ön ngih tumlat nö eltī tötlöök; haṙungngökūö yip kamhôka an yĕn öt anga-aṅ, achīö öp anga-aṅ?

²⁵Veut nun në sakāmö chu tö famaltöre; falngöre nun, öt maheūṅku tö tölöök.

²⁶Kiröönngöre anū-ö sā tafūyu kupòk, sā matēṙö tameungtöre nö i kui öp pôḵre,

²⁷Yē chu ngö ṙô,Vaichngö ök vahë-enyre chin min, ngaich chū-ö min ṙāngö anūnökūö re ngaich ṙāmölōn,

²⁸Vītöre chū-ö pa-ekūö tö kanihgnen re, pò chu akahalōn tö meh öt ṙapken chu öt fāluṙen.

²⁹Töfāluṙen chū-ö min; Kūöyòh öich pökeh la-evṙen chök alaha?

³⁰Yē chu söichöre tö tökën- ngöre tacham, söichtīre inrē tö tisum,

³¹Sön min më-eṅ sukten chu el anūlö, Sa-òkkūö më-eṅ min inrē tö hilā chu.

³²Pò ò nö öt tarik, sā chu chū-ö, nö sāpö ṙô öre tö chu, hòṅ ai öre kalahare.

³³Öt ma-akahavö ihôi ai, öp kamëtö tīre öre nö in ai.

³⁴Hökngen ò yēḵ nö kēngö ngam chinökṙen chu, uich hangāṅngö töp pinhë-eṅ- kūö tö ò inrē.

³⁵Ngaich vë-ekūö ò öre chū-ö öt pinhë-eṅvkūö, pò chu öt ngatī inrē.