Read Car_Nicobarese Salmai 101 Bible Online

Salmai 101 - Car_Nicobarese bible

Salmai 101

¹Tiköknyö ngam miṙēlōn chin min, ngam inkaha fālen inrē: tiköknyö nup nöinyö chin min in Meh, Ō Mā Tēv.

²Muhumveūtö inlaha re chin min im tö teung talöökö Meh. Mah, ĕhē Öm min yih in chu? Lök el patī re chin min öich hol tö töteung ellōn re.

³Hö-ö chin min ṙātö nup töng yô-òv nö i kūö Meh; surīkhö la-en cha chin yip kamānngöre: öt köpta an min nö in chu.

⁴Ṙāngen chu ap min töt lēnö lōn: hö-ö chin akahakūö tö tötlöök tarik.

⁵Öp mu-ulāikenre nö ve-engnang hol re, halëliyö min tö chu: öt halöngten ò chin öp tum-ööngkūöre, mahakeūṙô re, ellōn inrē.

⁶Ip tökô-en nun min në mat chu im panam, hòṅ cha nö iyöng nö hol chu: ngòh lamök i tö teung lanöökö, anga-aṅ min mameukṙen chu.

⁷Ngòh vamī inchīlö öt iyöng el patī chu min: anga-aṅ ngòh tö minyôiny-aṅ öt köp min nö i kūö chu.

⁸Kaheuk peuheū chin min halëlngö yip tötlöök nö ṙòkhöre ing panam: rökngen cha yip tö la-evṙen tö tötlöök nö ṙòkhöre nö ing el pinnāmen ngam Mā Tēv.