Read Car_Nicobarese Salmai 108 Bible Online

Salmai 108 - Car_Nicobarese bible

Salmai 108

¹Ō Tēv, köpta an ngam ellōn chu: tikökṙôre chin min hôṅ, tiköknyö nöinyö chin min, hol tö ineū-euṅ.

²Choholre, tiköknyö salmai, röng hārp inrē: ka-euilökūö chin min chū-ö choholre.

³Ō Mā Tēv, ha-öinyö Meh chin min i yip tarik: tikökṙôre chin min tö nöinyö Meh i yip pumnāmö tarik.

⁴Pò ngam neūkölōn Meh nö kiröng, tulöng tö ngam halīöngö: söllö inrē ngam kanô-en Meh nö el taṙul.

⁵Ō Tēv, hapōilöng Man yēḵ tulöng töm halīöngö: ngam kanôlò Meh lātulöng tö ngih panam.

⁶Hòṅ ngam hanāngen Meh nö ṙānyuvö: aṅtī tö ngam lahāmö re Man hayööken, sapṙô ih inrē.

⁷Ṙô-òv An ngam Tēv nö i hanëtöre; pōi ṙanāmölōn chin: harēvö Sīkem chin min, kalah ṙôkö öp achāṙö Suköt inrē.

⁸Chū-ö chu an Kilīöt: chū-ö chu Manasē: lanaklö kui chu inrē ang Ifrēm; kamëtö chöngö ang Yūtā.

⁹Tanīöyö chūök sanöich chu an Mô-ap: kavaltö kunröpöre chin min in Ētöm; hūḵtö kui Filistia chin min.

¹⁰Achīö ap min kamëhetnen chu el öp tö kinlōngu panam? Achīö mahachōten chu i Ētöm?

¹¹Ō Tēv rööm Me-eṅ kamvalngen ih? Ngaich rö-ö Me-eṅ, O Tēv, kiröönngöre hol yip kumyunglen ih.

¹²Holṙen ih lā-al ngam lā-al ih: tön höng chanök alaha öp hinòlṙen aṅ i tarik.

¹³Lökten im Tēv in min kalēḵ: pòn Anga-aṅ min ramööntökui yip lā-al hī.