Read Car_Nicobarese Salmai 132 Bible Online

Salmai 132 - Car_Nicobarese bible

Salmai 132

¹Mā Tēv, köpölōn tö Tāvit: i nuk kanihngen;

²Tö Ò nö kilēḵngôre nö im Mā Tēv: chūökuṙô inrē nö im Tökeuheūttöre Chöngö Tēv Yāköp.

³Öt hòṅ kuhēthötre chin min el inrūkui re: öt rēhĕn chuh el chamam re.

⁴Öt halöngten në mat re chin nö haṙòh, öt leūmlö inrē;

⁵Hanööngen chu kôtökūö min tö chūök ngam Mā Tēv: ap inrūkui ngam Tökeuheūttöre Chöngö Tēv Yāköp.

⁶Yĕh meuk, hāngö e in i Efrata: kôtökūö tö e nö el inchōnngö.

⁷Chuh el minë inrūkui Ò in min: sōntöre in min ip ranöönö röön Ò.

⁸Choholre, Ō Mā Tēv, im chūök haneūheu meh: Me-eṅ, tap kasòng chöngö kumlēḵ Meh.

⁹Hökngen yip kūönṙô Meh nö hayūtö tö lanöökö: hökngen yip töhet Meh nö pōitô nö hū-a tö kūö ṙanāmölōn.

¹⁰Pòkūö ngam kūön Meh Tāvit: un havööṙikūö ngam rācha Meh.

¹¹Chūöku ṙô An ngam Mā Tēv, nö in Tāvit nö kilēḵngô re; öt hō min nö heūlköre tö e: ha-ūichlö ngam kūön Meh chin min el ngam kantēra Meh.

¹²Yē yip kūön Meh min, nö haköp ngam kinlēḵngô chu ngam chöngö chu inrē, öp inköptö cha tö chu min: ūichhak min yip kūön cha nö örheūheu nö el ap kantēra Meh.

¹³Pò ngam Mā Tēv nö atöllen Siyôn: ahō-o Ò an nö elyöngö Ò.

¹⁴Chūök haneūheu chu ön ngih nö örheūheu: ihih chin iyöng; pò e nö lōn chu.

¹⁵Ṙūölö ṙôken nup nya-aṅkūö chin min öich hakôlò ò: hatööḵngen yip yāich chin min tö nya-aṅkūö.

¹⁶Hayut yip kūönṙô Ò chin min tö inyööken: ngaich yip töhet Ò min, pōitô nö hū-a nö rāmölōn.

¹⁷In e chū-ö min vīten ngam sinrōl Tāvit nö meuiny: halēn ëāṅvö ngam Rācha re chin min.

¹⁸Hayutlö yip lā-al Ò chin min tö sumrōngkūö: i kui Ò pöri min ap sapīöv tökôlò.