Read Car_Nicobarese Salmai 136 Bible Online

Salmai 136 - Car_Nicobarese bible

Salmai 136

¹Ha-öiny ngam Mā Tēv; tön tölöök An: pò ngam miṙēlōn Ò nö örheūheu nö köp.

²Ō Ha-öiny ngam Tēv vē tēv: pò ngam miṙēlön Ò nö örheūheu nö köp.

³Ō Ha-öiny ngam Mā Tēv vē mā: pò ngam miṙēlōn Ò nö örheūheu nö köp.

⁴In Ò ngam töng hĕngtak nö tī tö yöng pinngangkūö: pò ngam miṙēlōn Ò nö örheūheu nö köp.

⁵In Ò ngam kūö mikah elmat re nö vīlö ngam halīöngö: pò ngam miṙēlōn Ò nö örheūheu nö köp.

⁶In Ò ngam mahanyāknyö ngam tumlat nö i kui ngam mai: pò ngam miṙēlōn Ò nö örheūheu nö köp.

⁷In Ò ngam vamīlö tö kiröng ëāṅvö: pò ngam miṙēlōn Ò nö örheūheu nö köp.

⁸Ngam tavūöi mahayöng ngam sakāmö: pò ngam miṙēlōn Ò nö örheūheu nö köp.

⁹Ngam chingëṅt, taneūsömat inrē mahayöng ngam hatööm: pò ngam miṙēlōn Ò nö örheūheu nö köp.

¹⁰In cha ngam famòhtö kui Aikup tö yik lanòh cha: pò ngam miṙēlōn Ò nö örheūheu nö köp.

¹¹Ngaich kēnyen Israĕl nö ṙā-ang in cha: pò ngam miṙēlōn Ò nö örheūheu nö köp.

¹²Hol tö kumlēḵ kël re, nö hateutnyö kël re: pò ngam miṙēlōn Ò nö örheūheu nö köp.

¹³In Ò ngam maharēv ngam Töngāṅv Mai nö kö marök: pò ngam miṙēlōn Ò nö örheūheu nö köp.

¹⁴Ngaich tölṙô Israĕl nö lök ël e: pò ngam miṙēlōn Ò nö örheūheu nö köp.

¹⁵Afukngen Fërō pöri tö yik kumyung in ò; nö el ngam Töngāṅv Mai: pò ngam miṙēlōn Ò nö örheūheu nö köp.

¹⁶In Ò ngam mahachōḵ yik tarik nö el tönyalnyi: pò ngam miṙēlōn Ò nö örheūheu nö köp.

¹⁷In Ò ngam famòh tö kui tökiröng rācha: pò ngam miṙēlōn Ò nö örheūheu nö köp.

¹⁸Ngaich fëlngö yik tö-eūnyu rācha: pò ngam miṙēlōn Ò nö örheūheu nö köp.

¹⁹Sihòn rācha aṅ Amôr: pò ngam miṙēlōn Ò nö örheūheu nö köp.

²⁰Ôk rācha aṅ Pāsan: pò ngam miṙēlōn Ò nö örheūheu nö köp.

²¹Ngaich kētö nup panam cha nö amin cha: pò ngam miṙēlōn Ò nö örheūheu nö köp.

²²Nö amin Israĕl ngam tarik Ò: pò ngam miṙēlōn Ò nö örheūheu nö köp.

²³Ngam tö köpölōn tö hī hē hī lataṙeū: pò ngam mirēlōn Ò nö örheūheu nö köp.

²⁴Ngaich ṙānyen hī nö i yip lā-al hī: pò ngam miṙēlōn Ò nö örheūheu nö köp.

²⁵Kētö nya-aṅkūö taṙòkhöre An: pò ngam miṙēlōn Ò nö örheūheu nö köp.

²⁶Ō Ha-öiny ngam Tēv aṅ el halīöngö: pò ngam miṙēlōn Ò nö örheūheu nö köp.