Read Car_Nicobarese Salmai 141 Bible Online

Salmai 141 - Car_Nicobarese bible

Salmai 141

¹Mā Tēv, havëken Meh chin; hēṙen in chu: kētö elnang re i ṙô chu, yē chu havëken Meh.

²Hökngen ngam vine-eṅkūö Meh tö chu, nö ṙātu nö i kūö Meh, nö sā lōpān: sā tö kētu tö harap, ngam inchônglö kël chu.

³Ō Mā Tēv, aṅtö kūö elvāng chu: aṅtö kūö inkūp në minuh chu.

⁴Un harūöṙi ngam ellōn chu nö i tötlöök, nö i la-en ötlanöökö, nö in yip tarik vamī öt lanöökö: uh inrē öich nyā nup nya-aṅ cha.

⁵Hökngen öp tölöök nö kisōlö chu, tī tö hanāngenlōn angu-ö, hökngen ò inrē nö vëken chu, ngaich sā tavī-i angū-ö nö i kui: un sōḵ ngam kui chu tö e; tön iṙūöhöṙô chin ve-ekūö Meh, lā-al ötlanöökö cha.

⁶Suktu yip ma-akah fālen in cha, nö i kaha nup ihong: hang ṙô chu min cha-a; pò u nö pachāka.

⁷Sā öp hĕng tak kumköhlö chūök tineūchö, nö liraknyö ngam tumlat: pirātö Nup tangëḵ hī nö i kūö Anūlö.

⁸Pò në mat chu nö in Meh, Ō Mā Tēv: in Meh chin hayönglenre, un ṙā-ai ngam nômö chu nö ötkôlò.

⁹Laklen chu tö öp tinngöp ṙahātö cha: hinööngö chu, ṙā-ang i nup insuk tī yip tötlöökö la-en.

¹⁰Hökngen yip tötlöök nöng fuk el nup inhāṅl re: uh chū-ö kô-òngvah.