Read Car_Nicobarese Salmai 143 Bible Online

Salmai 143 - Car_Nicobarese bible

Salmai 143

¹Hang vine-eṅkūö re tö chu, Ō Mā Tēv; kētö elnang re i në vine-el kui tö chu: in kanô-en Meh, lanöökö Meh inrē sapṙô chu.

²Uh Man kētö ngòh tarik meh nö im inkaha fālen: tön öt hĕng tak tarik tö aṅ tökô nö ṙālöngö.

³Pò ngam lā-al chu nö hakihten nômö chu; röönten chu an el tumlat: vīten chu an iyöng el tö sangūla chūök, sā yik kupah tö ha-ehangen.

⁴Lökten ön ngih nômö chu nö öt kalē-en nö in chu: öt aṅhav ap fanöinylö chu nö ellōn chu.

⁵Köpölōn chin tö nuk sakāmö hötṙeh: piṙūtkö nuk la-en Meh chin; fēken nuk la-en minë kël Meh chin.

⁶Tarāklö në kël re chin in Meh: haṙeh ön ngih nômö chu tö Meh, sā tö ngehngö panam.

⁷Hēṙen sapṙô chu, Ō Mā Tēv; öt kalēḵ ön ngòh ma-alaha chu: Um hanyatngökūö re tö chu, hòṅ chu öt sā cha yik tö ngaich nö chuh el anūlö.

⁸Vīten chu Man hang ngam hanāngen neūkölōn tö el peuheū; tön in Meh chin hayönglenre: vīten chu akahakūö tö ngam talöökö Meh ngam lahök ël chu; tön kū-ö tö in Meh an ngam ellōn chu.

⁹Ō Mā Tēv, ṙānyen chu ṙā-ang in yip lā-al chu: in meh chin hanyatlöre.

¹⁰Haköpten chu öich lök lōn Meh; tön Me-eṅ Man Tēv chu: hökngen ngam fanöinylö nö hachōkūö chu, im panam tö ṙā-akūö.

¹¹Ō Mā Tēv, ha-aṅhaṅ chu, sā Meh Öm Me-eṅ: im lanöökö Meh kēnyen chu ṙā-ang el kanihngen.

¹²Im hanāngen neūkölōn Meh, rökngen yip lā-al chu, piyāingö yip töt mahakôlò ngih nômö chu nö ṙòkhöre.