Read Car_Nicobarese Salmai 147 Bible Online

Salmai 147 - Car_Nicobarese bible

Salmai 147

¹Ha-öiny ngam Mā Tēv yin, tön tölöök an ngam tinköknyö nöinyö ngam Tēv hī: pò e nö kumchik ṙô, tölöök ngam nöinyö inrē.

²Vīten Yērusalem An ngam Mā Tēv: hamūl yip Israĕl An tö parāti.

³Ṙāmölōn tī Ap tö tö haṙivlōn: haṙung vah cha inrē.

⁴Vënyö tūmö në taneūsömat An: kaheuk mine-eny u nö ṙòkhöre.

⁵Tö kiröng An ngam Mā hī, kalē-ĕ minhôiṅyö inrē: öt tölngu öp mikah Ò.

⁶Ṙapkö yāich An ngam Mā Tēv: kētö yip tötlöök Anga-aṅ nö el tumlat.

⁷Tikökhökūö ngam Mā Tēv tö nöinyö: Ha-öiny ngam Mā Tēv hī, hol ṙô tö hārap.

⁸Ngam mahanyatngö ngam halīöngö tö taṙul: ngam vamī kiyôp i kui rôngö nö sīöp.

⁹Kētö nya-aṅkūö töṙeūla An: në kūön chehechōn inrē pameunyhökūö Ò.

¹⁰Öt ööire An nö i kumlēḵ kōra: öt kuchīkölōn An nö i kalröön tarik.

¹¹Kuchīkölōn An ngam Mā Tēv nö in cha yip tö pa-ekūö tö ò: in cha yip mameūka nö i miṙēlōn Ò.

¹²Ō Yērusalem, Ha-öiny ngam Mā Tēv: Ō Siyôn, Ha-öiny ngam Tēv.

¹³Pò Ò nö hangëḵlö inkālkūö minë inkūp: hakôlò yip kūön meh ël meh.

¹⁴Vīten lanāmö An nö i kūöngö meh: hatööḵngen meh An tö atra.

¹⁵Tīntö öp chöngö re An nö i kui ngih panam: veut ap ṙô Ò nö fal.

¹⁶Kētö tacham An tö kënngöre, sā sanôi sīṅp: pirāt nup tö kënngöre An tacham.

¹⁷Suktö ngam mak An tö kënngöre sā nya-aṅ: chiāp tökô nö sökhaka nö im laneūchö?

¹⁸Söömngö ṙô re Anga-aṅ, ngaich miyëngö u: tölṙô ap kuföt Anga-aṅ nö föötöre, ngaich hëm ngam mak.

¹⁹Hameuktö ngam ṙô re Anga-aṅ nö in Yāköp: ngam chöngö Ò in Israĕl, ngam inkaha fālen aṅ in Ò.

²⁰Öt ngati tī nö i vē tahëng tarik: hö-ö yin nö akahakūö tö u, nup inkaha fālen aṅ in Meh. Ha-öiny ngam Mā Tēv yin.