Read Car_Nicobarese Salmai 148 Bible Online

Salmai 148 - Car_Nicobarese bible

Salmai 148

¹Ha-öiny ngam Mā Tēv yin, Ha-öiny ngam Mā Tēv yin ṙeū-eung el halīöngö: ha-öinyan lātulöng.

²Ha-öinyan, ṙòkhöre ma-aṅhānga: Ha-öinyan yī-ö tömaṙôngö.

³Ha-öinyan, tavūöi, chingëṅt: Ha-öinyan ṙòkhöre taneūsömat hanātö.

⁴Ha-öinyan, yī-ö halīöngö ngam halīöngö: yī-ö mak inrē lātulöng tö ngam halīöngö.

⁵Hökngen u nö Ha-öiny ngam Mā Tēv: pòn chöngu Anga-aṅ ngaich tövīlöng anū-ö.

⁶Haköpngö u inrē Anga-aṅ nö tö örheūheu: vītö chöngö inrē Anga-aṅ, öp töt hētu nö chuh.

⁷Ha-öiny ngam Mā Tēv, ṙeū-eung el tumlat: yī-ö palēt, ṙòkhöre mai inrē;

⁸Tameūyö, tökumul kumṙah inrē tacham tökënngöre, hanusngö inrē: kuföt chanôchö, hateungngö ngam ṙô Ò.

⁹Rôngö, ṙòkhöre rung inrē: chōn tö ṙôngu, ṙòkhöre sītör inrē.

¹⁰Töṙeūla, ṙòkhöre nuā inrē: ṙameūla: kumteū inrē chehechōn.

¹¹Rācha ngih panam, ṙòkhöre tarik inrē: kūön rācha, ṙòkhöre ma-akah fālen ing panam.

¹²Hĕnghöre tö-ayal tarik: tö-ayal kikānö inrē.

¹³Hökngen cha nö Ha-öiny ngam mine-eny ngam Mā Tēv; tön höng hĕng an ngam mine-eny Ò nö hapōīlöng: lātulöng ap minā-aṅ Ò töng panam, halīöngö inrē.

¹⁴Ngaich Anga-aṅ nö hachohlö ap sinrōl yip tarik re, nö nöinyö aṅ i yip töhet nö ṙòkhöre: vē kūön Israĕl, vē tarik tö röhta nö in Ò. Ha-öiny ngam Mā Tēv yin.