Read Car_Nicobarese Salmai 17 Bible Online

Salmai 17 - Car_Nicobarese bible

Salmai 17

¹Ō Mā Tēv, hang ṙô ngam töchip, hang ngam ṙô chu: kētö elnangre i vinë-eṅkūöre, tö chu, nup töt lamöknyö i minuh töng töl.

²Hökngen ngam inkaha nö yih ṙā-ang i kūö meh: hökngen minë mat meh, nö ṙô mat nö meuk.

³Ngaich man kalah ellōn chu; chöhken chu ngaich tö el hatööm; kalaha chu man ngaich, ngaich öt kanôtu- kūö: kalĕḵĕ lōn chin öt hōtö ngih elvāngre nö tôichngen.

⁴I inlahen nup la-en tarik pöri, lökten i ṙô minë minuh meh: haköpngöre chin ṙā-ang i talöökö töchökhuṙen.

⁵Köpö vanāngö chū-ö el nup kanröönö meh: öt taleūchi röön chū-ö.

⁶Havëken meh chin, Ō Tēv, pò meh sapṙô chu min: asītö el nangre in chu, hang ṙô chu inrē.

⁷Hameuktö ngam pinngangkūö hanāngen neūkölōn meh, Ō më-eṅ mahayööken cha yip mahayönglenre nö in meh: nö in yip chamôhòlre nö lā-al cha, löktö lāhāmö meh.

⁸Haköpö chu sā ngam tö isoh elmat: hanyatngen chu elkatòh minë sanëòk meh.

⁹Ṙā-ang im tötlöök më maha- yëḵngen chu: më mahavīlen chu, tökapaha tī lā-al chu.

¹⁰Inṙungngö tö tösangööre yin: hakeūlôre yin nö elvāngre.

¹¹Havīlen ih yin nö ngaich, el talöökö ih: hatīön tö matre yin nö hòṅ tufahten ih el tumlat.

¹²Sā ngam lāyön an töyal tö nyā-aṅkūöre: sā öp kun lāyön mahayun nö el nup töt meūkö chūök.

¹³Ō Mā Tēv, asahan, afukngen ò: aṅtī tö ngam sanëtre man ṙānyö ngam nômö chu ṙā- ang im tötlöök.

¹⁴Ō Mā Tēv, löktö eltī meh, ṙā-ang in yip tarik, ṙā-ang in yip tarik aṅ ngih panam, yip tö minchööḵövö tö aṅ ngih nômö, yip töhatööḵöi- ṙen aich tö meh tö nup kanôlò meh: Kô-ònglōn yip tö kūönre, ngaich ṙātö nup chööḵ nö in yip tënö kūön cha.

¹⁵Meukkūö meh pöri chū-ö min im lanöökö: tööḵngen chin min yē chu aṅhen, ngaich sā meh.