Read Car_Nicobarese Salmai 2 Bible Online

Salmai 2 - Car_Nicobarese bible

Salmai 2

¹Kūöyòh aich vē pumnāmö tarik nö angëṙö tanāinyö: vē tarik inrē nö lōn tö töng töl?

²Haṙāköre yin vē rācha ngih panam vē mahayöng inrē nö halēnlö ṙôre: nö lā-al ngam Mā Tēv, lā-al ngam hacham elkui ò inrē, nö ngö ṙô;

³Tā-a töi litòkngö kinpòk cha: ngaich kavalngö ngam rehen cha nö ṙā-ang in hī.

⁴Hayīölkūö an min ngam amūichhaka nö el minë halīöngö: miṙē-ĕyö yip min tö ngam Mā.

⁵I lanīnöre min anga-aṅ nö vë-ekūö cha: hakihten cha inrē i ṙôkö kumnyahlōnre.

⁶Ha-ūichlö ngam rāchare chin sönen: i kui ngam töhet rôngö Siyôn.

⁷Hòṅ vë-eny ngam chöngö chin: Ngö ṙô an ngam Mā Tēv tö chu, Kūön chu Man më-eṅ: löknyö in chu man i ngih sakāmö.

⁸Vë-ekūö chu, kē-ĕkūö meh chin min inrē tö vē pumnāmö tarik nö amin meh: ane inrē minë manā-angkūö ngam panam nö hayōm meh.

⁹Likölö u man min aṅtī tö vët tinkung: likukngö u man min nö panyeny sā tanīöyö.

¹⁰Lökten, akaha yēḵ, Ō yī-ö rācha: haköp yēḵ, yī-ö ma-akaha fālen ngih panam.

¹¹Lök la-en ngam Mā Tēv hol tö pinhë-ekūö: ṙāmölōn hol tö kinchëyöre.

¹²Hāmkūö ngam kikōnyö nyīö hòn öt līn, ngaich öt pala-aiṙen min yī-ö el talöökö: pòn hūlökūö min öp lanīnö ò nö ka-eūyen. Tökôlò yip cha-a mahayönglenre nö in ò.