Read Car_Nicobarese Salmai 26 Bible Online

Salmai 26 - Car_Nicobarese bible

Salmai 26

¹Ō Mā Tēv, akaha chu, tön lök ing lanënöre chin: tökatöngaṙen chin hayönglenre im Mā Tēv.

²Ō Mā Tēv, kiluhu chu, kalah-ten chu inrē: kalah në rahēḵ chu, fanöinylö chu inrē.

³Pò ngam hanāngen neūkölōn meh nö i kūö chu: ngaich chin lök im kanô-en meh.

⁴Rö-ö chin ūichhak holtöṙah tötöl: öt rēhĕn chin holröön mahanyatkö elmat kiröön-ngöre.

⁵Surīkhö ṙôngö tötlöökö la-en chin: öt hō öich ūichngöre holtöṙah tötlöök.

⁶Söich tīre chin min sātī tënö: lökten chu min havī ngam tahāklö meh, Ō Mā Tēv;

⁷Hòṅ chu ahangnyö ṙôre tö ngam nöinyö: vë-eny nup pinngangkūö la-en meh inrē.

⁸Hāngenlōn chin tö ngam elyöngö el ngam patī meh, Mā Tēv: ngam chūök inrē chūök ngam ineū-euṅ meh.

⁹Un i tököölö fālen ngam nômö chu nö hamūltu: un rēhĕn ngam nômö chu nö hol tarik; famël tarik;

¹⁰Yip tö-aṅhav eltī tö ötlanöö-kö: tööḵlö nup lahāmö cha tö ṙāi michūṙen.

¹¹Lök ip lanënöre pöri chū-ö min: ṙānyen chu, aheūkölōn yēḵ tö chu inrē.

¹²Sökhaka röön chin i töṙōngö-kūö: hakôlò ngam Mā Tēv chin min el ṙôngö yip tömaṙôngö.