Read Car_Nicobarese Salmai 30 Bible Online

Salmai 30 - Car_Nicobarese bible

Salmai 30

¹Ō Mā Tēv, hapōilen meh chin min, pò meh hachohlen chu: ngaich vīten yip lā-al chu nö öt ṙamngövah chu.

²Ō Mā Tēv chu, peuinyhökūö meh chin: ngaich më-eṅ löö-ken tī tö chu.

³Ō Mā Tēv, ngaich man kēlö ngih nômö chu nö ṙā-ang el Anūlö: haköpö chu man ngaich aṅ, öich öt chuh el Anūlö.

⁴Ha-öiny ngam Mā Tēv, Ō yī-ö töhet in ò, ha-öiny ngam töhet minë-eny ò inrē.

⁵Tön töng rahëichtaṙen an ngam lanīnö ò, nômö ap ööi ò: yih ngam pineūnyö tö harap, peuheū pöri ngam ṙanāmölōn nö yih.

⁶Ngö ṙô chū-ö hēre kôlò, Öt hanlöinyken chin min.

⁷Me-eṅ man Mā Tēv, ip ööi meh vīten ngam rôngö nö sökhak nö ngëḵ: kihngen chin yē meh hanyatngö kūö re.

⁸Ō Mā Tēv, peuinyhökūö meh chin: in meh nup ṙô chu ve-elkui.

⁹Asuh ap kanôlò i mahām chu, yē chu chuh el Anūlö? Ha-öinyö meh öng min ngam tumlat? Ve-eny kanô-en meh öng min?

¹⁰Ō Mā Tēv, hangihtöre, aṙē-ĕlōn inrē tö chu: Më-eṅ man yēḵ hamòlṙen chu.

¹¹Havāngtö ngam miriv chu man ngaich nö kinṙīömö: ṙòngngö ök sāk man ngaich ök inyut chu, ngaich nyëkṙat chu tö ṙanāmölōn.

¹²Pòn hōtu ngam ineū-euṅ chu nö ha-öinyö meh, öt chēv-haka inrē: Ō Mā Tēv, Tēv chu, ha-öinyö meh chin ör-heūheu.