Read Car_Nicobarese Salmai 36 Bible Online

Salmai 36 - Car_Nicobarese bible

Salmai 36

¹Ngö ṙô an ngam tanôichngen fālen ngam tötlöök nö ellōn ò: Öt i kūö ò ap pinhë-eṅkūö tö ngam Tēv.

²Pò ò nö harōyöre: hanöng saha nup tötṙong in ò nö kôti, ngaich surīkiṙen.

³Tötṙong nup ṙô elvāng ò, michīl inrē: ṙāngöre an nö akaha, ṙāngöre inrē nö la-evṙen tö tölöök.

⁴El chamamre an nö halēnlö nup tötṙong; ūichlöre anga-aṅ nö el öp talöökö tötlöök: hö-ö an nö sa-òkkūö tö tötlöök.

⁵Ō Mā Tēv, söl el halīöngö an ngam hanāngen neūkölōn meh: söl el minë taṙul ngam kanô-en meh.

⁶Sā minë rôngö ngam Tēv an ngam lanöökö meh; yöng tö-aṙū-uti ngam inkaha fālen tö meh: Ō Mā Tēv, maha-köpkö tarik man, töṙeūla inrē.

⁷Ō Tēv, yöng ṙôkö ṙāi ngam hanāngen neūkölōn meh: ngaich hanyatlöre vē kūön tarik nö el nyat minë sanëòk meh.

⁸Pōyen tanööḵngen yin min tö nup tösangöö aṅ patī meh; ane inrē min më-eṅ ha-ôkö cha tö aṅ öp tahël kumchiklōn meh.

⁹Pòn in meh ap löklö nômö: im yanāngö meh in min meuk hanātö.

¹⁰Yĕh iṙūhen tī man tö ngam hanāngen neūkölōn meh in cha yip tö-akahakūö tö meh: ngam lanöökö meh inrē in yip töchiplö ellōn.

¹¹Un hökiṙen ap röön inkeūlen nö yih nö lā-al chu: un höktu tī inrē ngam tötlöök nö ahōngen chu.

¹²In e yip töla-evṙen tö tötṙong nö fukngö: kuringtu yip, ngaich öt kô min nö cho-holre.