Read Car_Nicobarese Salmai 39 Bible Online

Salmai 39 - Car_Nicobarese bible

Salmai 39

¹Ngö ṙô chin. Haṙēmngenre chin i nup talöököre, hòṅ chu öt tököölu i litākre: hakāl elvāngre chin min yĕn ikūö chu ngam tötlöök.

²Chēv chin öt ṙô-òv, ṙapṙôre chin: pòrô tö tölöök; ngaich ngam miṙivlōn chu nö karūtlöngö.

³Ṙāich ngam ellōn nö latuhēt; hūlökūö ngam tameūyö yē chu chēvhaka: kaknyöre ngaich ngam litāk chu nö ṙô-òv.

⁴Mā Tēv, mikahtölōn chu töp manāngen chu, tö rôta sakā-mö chu inrē: hökngen chu yēḵ akahalōn tö ṙôkhangen ötkumlēḵre.

⁵Yĕh meuk, höng sā ṙôktāk eltī nun në sakāmö chu tö tī meh: höng törö-öv ngam ṙētö chu nö i kūö meh; kôngen ön ngòh tarik ip kumlēḵ nöng unhômö.

⁶Kôngen ön ngòh tarik nöng sā nyat; kôngen yin nöng tötöl: hamūl kanôlòre ön, ngaich öt akahakūö töp mahamūlö u min.

⁷Mā, suh papkeh ahökkö chu? In meh ap maheūṅkkö chu.

⁸Ṙānyen chu ṙā-ang i nup ta-nôichngen chu nö ṙòkhöre: uh chin vītu minṙēngö i tökulō-ov.

⁹Öt ṙô-òv chin, öt vā-ainy-kūöre: pò e nö tī meh.

¹⁰Kēḵngö ngam chanökhutīre man nö ṙā-ang in chu: ngaich chin keuheūt tökūö ngam chanökhutī meh.

¹¹Yē meh vë-a ngaich hachip ngam tarik më-eṅ tö nup tötṙong in ò, vītu ngaich ngam vanāyö ò tö meh nö keuheūt tökūö kamlökö: kôngen ön ngòh tarik nöng unhômö.

¹²Ō Mā Tēv, hang ṙô chu vë-ekūö meh, kētö elnangre i ṙô chu; uh man hachēv-ngöre tö në mak mat chu: tön in meh chin öich höng aṅ tahëng, tötngöhaka, sā yik muvöhngö chu nö ṙòk-höre.

¹³Aṙēlen chu, hòṅ chu havan kumlēḵre hēk: urēhĕkūö chu ṙā-ang ihih, öich ngaich öt ōtren.