Read Car_Nicobarese Salmai 4 Bible Online

Salmai 4 - Car_Nicobarese bible

Salmai 4

¹Sapṙô chu, yē chu havë-a, Ō Tēv lanöökö chu: ṙānyen chu man ngaich hē chu kihngen; aheūkölōn tö chu, hang ṙô chu vë-ekūö meh.

²Ō yī-ö kūön tarik, i rô-òten öng ngam ineū-euṅ chu min nö havāngtu nö lā im minṙē-ngö: i ṙôktöre hanāngenlōn öi tö chanök alaha, ngaich tömrit minyôiny-aṅ?

³Akahalōn pöri tö ngam Mā Tēv nö haköhngen ò nö tarik ò, öp tölöök: hang an min ngam Tēv yē chu havëken ò.

⁴Līn yin, un köölö fālen: el chamamre vë-ekūö ellōnre, ngaich chēvhakṙen.

⁵Kētö öp tökētu i lanöökö: hayönglenre im Mā Tēv.

⁶Maṙôngö yip tö ngö ṙô: Chīö öp min mahameukhö mat hī tö tölöök? Mā Tēv, ha-chônglö kūöre man, ngam töhat nö i kui ih.

⁷Ngaich man kēhöt ṙanāmö-lōn ellōn chu: möthë tö nup tī meh hē ṙanūölen sāiny cha, vāin cha inrē.

⁸Im lanāmö chin min ṙōlngöre, haṙòh inrē: pò meh, Mā Tēv, më-eṅ tö tī-iv tö chu öt pala-aiṙen, öich hĕngtöṙah.