Read Car_Nicobarese Salmai 45 Bible Online

Salmai 45 - Car_Nicobarese bible

Salmai 45

¹Taṙēchi ön ngih ellōn chu tö tölöök; ṙô tö nup inlahen öp rācha chin: ngam litāk chu an kanūich, öp hamöngöre nö kūich.

²Vai man më-eṅ tö vē kūön tarik: vōktu ap inkôlò nö i minë minuh meh; lökten an ngam Tēv nö örheūheu nö hakôlò meh.

³Ō më-eṅ tökalēḵ, nyëktö ngam sanëtre man i takeunre: ngam ineū-euṅ meh, minā-aṅ meh inrē.

⁴Pò ngam minā-aṅ meh i uk nö iṙūhöröön nö kôlò, pò ngam kanô-en, yanāichö el-lōn, lanöökö inrē: ngaich ngam lahāmö kël meh min nö haköpten meh tö nup pinhe-eṅkūö.

⁵Keut nun minë chòk meh; lataṙeū yip tarik meh nö fukngö: ellōn yip lā-al öp rācha yip nö ngaich.

⁶Ō Tēv, töt chanūhuvṙen an ngam kantēra minā-aṅ meh: ngam kinchīṙö minā-aṅ ṙa-nôngö an kinchīṙö ngam pūlngö meh.

⁷Hāngenlōn man tölanöökö, surīkhö ötlanöökö inrē. Lök-ten ngam Tēv, ngam Tēv meh, nö hacham elkui meh, tö tavī-i ṙanāmölōn öm möt-lö tö yip holre.

⁸El tinôngö mūr nup hilā meh, alō, kasīa inrē: löknyö el nup patī rācha tö el tö kanël alöfānta nup töṙōlö inröt ranöng nö haṙamlōn meh.

⁹In yip tö-ineū-euv kikānö yip kūön rācha: lahāmö meh ap ranī nö sökhak nö yanöṅ-tö tö humlum aṅ Ôfīr.

¹⁰Ō kikānö kūön, hangihtöre, Ngëicha inrē, asītö elnangre më-eṅ inrē: havaichngöre tö yip tarikre, tö patī ap kikō-nyö yöng meh inrē;

¹¹Hòṅ ngam rācha nö lōn tö vanāiyö meh: tön anga-aṅ an mā meh: salāmö ò më-eṅ inrē.

¹²Kumtö raneushö ap min kikānö kūön aṅ Tūrös nö umuh: uroh min yip tökôlò aṅ i yip tarik nö havëkö ap miṙēlōn nö in meh.

¹³El patī rācha ap kikānö kūön rācha nö keuheūtlö vanāyö-re: tövītu aṅmat ap hilā ò tö humlum.

¹⁴Hachōhötvö ap min nö ip rācha nö hilā tö nup töchōktu mirun: hol ò yip rēlö yip tamömrit ò, ngaich ngôṅtu min nö in ò.

¹⁵Hachōhötvö yip min nö hol tö ṙanāmölōn: kuhēthötre min cha-a nö el patī ap rācha.

¹⁶Ṙënngen yip kikōnyö yöng meh min yip kūön meh: yip vahī-il meh min nö rācha i në panam nö ṙòkhöre.

¹⁷Vīten ngam minë-eny meh chin min nö inköpkölōn i tumkölchap tarik: lökten min yip tarik nö örheūheu nö ha-öinyö meh.