Read Car_Nicobarese Salmai 50 Bible Online

Salmai 50 - Car_Nicobarese bible

Salmai 50

¹Ṙô-òvö an ngam Mā, ngam tökiröngö chöngö Tēv: havëkö ngih panam, löktökūö maneutlö ngam tavūöi, söl im maneuttö ò.

²I Siyòn ngam Tēv nö meūkö: nö teūngö vanāyö.

³Yih an min ngam Tēv hī, öthō nö chēvhakaṙen: urēhĕ kūö ò min öp tameūyö töṙāpngö kūö, payavlöng min inrē öp tökalēḵ chanô-chö nö havīlen ò.

⁴Lātulöng min anga-aṅ nö ha-vëkö ngam halīöngö, ngam panam inrē: pòn hòṅ kahòk-ken yip tarik min anga-aṅ.

⁵Hamūl yip töhet chu nö in chu: yip kumlēḵngôre nö in chu nö lökten i tökētuvö.

⁶Ngaich minë halīöngö min nö vë-eny lanöökö ò: pò ngam Tēv nö anga-aṅ kam-hôka.

⁷Ō tarik chu, hangihtöre, ṙô-òv chin min: Ō Israĕl hameuk-höti chin min in meh; chū-ö chin Tēv, Tēv meh.

⁸Öt vëken meh chin min tö kūö nup tökētu tö meh: öt rēhĕn tökūö nup tö-örheū-heu töföngö tökētu tö meh.

⁹Öt hòṅ kēḵ kōiny nuā chin min ṙā-ang i patī meh: öt rēhĕn kōiny pököre ṙā-ang i manūlö u.

¹⁰Pòn ṙòkhöre nup töṙeūla el-inchōn nö chū-ö chu: nup nuā i kui minë tököṅnyu rung inrē.

¹¹Akahakūö chin tö nup hayöm nö ṙòkhöre i kui minë rôngö: chū-ö chu nup inrē hanchōn töṙeūla el ngam kahôyö.

¹²Yē chu öre kapahare, öt hō öich vë-eny nang meh: pòn chū-ö chu ngih panam, nup tanööḵlö e inrē.

¹³Kā alaha kōiny nuā öich min: hēk öp mahām pököre hòng?

¹⁴Kē-ĕkūö ngam Tēv tap nöi-nyö tökētu: kētö ap tö-chūöku ṙô meh kilēḵngôre im Lamātulöng;

¹⁵Ngaich havëken chu hē el kanihngen: ṙānyen meh chin min, ngaich hapōilen chu min më-eṅ.

¹⁶Ngö ṙô pöri ngam Tēv tö ngam tötlöök: Asuh ap la-en meh vë-eny minë chöngö chu, öm kēḵ ngam kinlēḵngô inrē nö elvāng meh?

¹⁷Yē meh tösumrīk tö inköp-höti: kamvalngö ngam ṙô chu öm lā uk re.

¹⁸Meuk mu-ulāiyö më-eṅ ngaich hō öm in ò: hanôltöre inrē më-eṅ i ma-asēhha.

¹⁹Kētö elvāngre me-eṅ: ngam litāk meh inrē nö vī inchīlö.

²⁰Ūichhak më-eṅ, ngaich chō-chö ṙô töp hanönglöknyö re: vë-eng nang öp kūön öp yöngre më-eṅ kikānö.

²¹Anū-ö nun inlahen meh, ngaich höng öt ṙô-òv chū-ö: ngö lōn më-eṅ ngaich tö chu öich töng sā meh. Vëken meh chin min, ngaich hachī-pö u min nö i kūö meh.

²²Ngëichkö e yin, yī-ö tö vaich-ngö tö ngam Tēv: hòṅ chu öt panyënyö tī tikāchö yīö; ngaich öt hĕng tak min ṙamā-ainy.

²³Ngòh kamëtö tökētu nöinyö mahapōilen chu: anga-aṅ inrē öp mahachip ṙôre nö ṙô-òv, hameukhu mat min tö chu tö ngam inyöölen aṅ im Tēv.