Read Car_Nicobarese Salmai 54 Bible Online

Salmai 54 - Car_Nicobarese bible

Salmai 54

¹Ō Tēv, hayööken chu i minë-eny Meh: ngaich im minhôiṅyö Meh akaha chu.

²Ō Tēv, hang ṙô chu havë-a: kētö elnang re yēḵ i në ṙô ngih elvāng chu.

³Tön chōholre yin vē aṅ tahëng nö lā-al chu, chöh nômö chu inrē vē tarik töchökhu-ṙen: hö-ö yin nö ṙātö ngam Tēv nö i kūö cha.

⁴Yĕh meuk, hamòlṙen chu An ngam Tēv: in cha An ngam Mā, yip ṙamapkö nômö chu.

⁵Havantö yip tötlöök An min i yip tö kunyahaṅ elmat tö chu: Piyāingen cha im kanô-en Meh.

⁶Ap kanahanglōn tökētu min, tökētuvö nö in Meh tö chu: Ō Mā Tēv, ha-öiny ngam minë-eny Meh chin min pò e nö tölöök.

⁷Pòn ṙānyen chu Anga-aṅ ṙā-ang el nup kanihngen: ngaich në mat chu nö meuk öp lōn chu i yip tökunyahaṅ elmat tö chu.