Read Car_Nicobarese Salmai 57 Bible Online

Salmai 57 - Car_Nicobarese bible

Salmai 57

¹Aheūkölōn yēk tö chu, Ō Tēv, aheukölōn yēḵ tö chu; tön in Meh ön ngih nômö chu nö hanyatlöre: hôṅ, el katòh nyat minë sanëòk Meh chin hanyatlöre, hanöng saha në kanihngen nö chööḵngö kui chu.

²Peuinyhökūö ngam Tēv chin min, ngam tölngö tötulöng: ngam Tēv mahateungngö nup la-en re nö in chu.

³Ṙā-ang el halīöngö tī An min nö söömhöti, hayööken chu inrē; yē öp tö hòṅ ngeūkten chu min nö miyëḵṙen: sööm-tö ngam miṙēlōn re An ngam Tēv, ngam kanô-en Ò inrē.

⁴Holtöṙah layön ön ngih nômö chu; hulalhak chin holtörah yip tö tōttukūö nö i kūö tameūyö: yip tarik; kapah tö kūö vöi, chòk inrē; sanët öp litāk cha nö tökeut.

⁵Ō Tēv, hapōilöng Man yēḵ, lātulöng tö minë halīöngö: hökngen ngam ineū-euṅ Meh nö i kui ngih panam nö ṙòkhöre.

⁶Halēn inhāṅl röön chu yin; sapōnköti ön ngih nômö chu: ul insuk yin nö urēhĕ-kūö chu: ngaich fuk ël e cha-a.

⁷Ō Tēv, köp ön ngih ellōn chu: tikökṙôre chin min, hôṅ, tikökṙôre chin min tö nöinyö.

⁸Hachohlö ngam ineū-euṅ chu; hachohlö ngam ranöng tösömö inröt, tö ngam hārp inrē: chū-ö min inrē chōholre ka-euilökūö.

⁹Hol yip tarik chin min ha-öinyö Meh, Ō Mā: ha-öinyö Meh chin min; tikökṙôre chin min ha-öinyö Meh, hol yip pumnāmö tarik.

¹⁰Pò ngam miṙēlōn Meh nö kiröng söl el halīöngö: ngam kanô-en Meh inrē, söl el minë taṙul.

¹¹Ō Tēv, hapōilöng Man yĕh tulöng tö halīöngö hökngen ngam ineū-euṅ Meh nö tu-löng tö në panam nö ṙòkhöre.