Read Car_Nicobarese Salmai 60 Bible Online

Salmai 60 - Car_Nicobarese bible

Salmai 60

¹Ō Tēv, kavāliyö in tö Meh, liköliyö in tö Meh: līn Man in ih; Ō havanten ih hēk.

²Kichëyöre ön ngih panam tö tī Meh, tikāchiyö an tö Meh: halinken nup linrākö e; tön kalöka an.

³Hameuktö tökihngen Man i vē tarik Meh: ha-ôkö in tö Meh tö vāin tökalēḵ.

⁴Kētö pantēra Man in cha yip töpa-ekūö tö Meh: pò e nö hōtu min nö halöika, kūö ap inyööken.

⁵Hòn ṙānyuvö yip hanāngenlōn Meh: hayöölen chu aṅtī tö ngam lāhāmö Meh, sapṙô chu inrē.

⁶I hanëtö re An ngam Tēv nö ṙô-òv; ṙāmölōn chin min: kaichlen Sikem chin min, ngaich kalah ṙôkö Sakòt.

⁷Chū-ö cha an Kilīöt, chū-ö chu inrē Manasē: lanaklö kui chu an Ifrēm, kamëtö chöngö ang Yūtā.

⁸Chūök sanöich röön chu an Mô-ap, tuhtö kunröpö re chin min i kui Ētöm: Filistia, hū-a më-eṅ tökūö chu.

⁹Chīö ap min kamëten chu im töngëḵ el pinnāmen: achīö mahachōten chu i Ētöm?

¹⁰Röh öm höng më-eṅ, Ō Tēv, kamvalngen ih: ngaich rö-ö me-eṅ kiröönngöre in ih kiyung?

¹¹Kētö hinòlṙen in yip tökunyahaṅ elmat tö ih: tön höng chanök alaha an ngam hinòlṙen aṅ i tarik.

¹²Lökten im Tēv in min öt pa-ekūö; pòn Anga-aṅ min ramööntökui yip tökunyahaṅ elmat tö hī.