Read Car_Nicobarese Salmai 62 Bible Online

Salmai 62 - Car_Nicobarese bible

Salmai 62

¹Höng ngam Tēv ön ngih nômö chu nöng ötṙô-òv: ṙā-ang in Ò öp inyööken nö yih.

²Höng Anga-aṅ An ihong chu, inyööken chu inrē: Anga-aṅ An tömarô-òlkui tananglö chu, hö-ö chin min pōyen inlöinyka.

³Irô-òten öi min fah tarik öi hòṅ fëlan yī-ö ṙôkhöre: sā tö salīnköti tananglö, sā tö kalöka kinlōngö?

⁴Halēnöre cha-a nö kuringten ò nö ṙā-ang im lanöökö ò: i minyôiny kumchiklōn cha-a; el vāngre ṙô cha-a, nö hakôlò, ötlēḵkôre pöri cha-a nö ellōn re.

⁵Nômö chu, höng ngam Tēv man, um ṙô-òv: tön aṅ in Ò öp tömeūkka tö chu.

⁶Höng Anga-aṅ An ihong chu, inyööken chu inrē: Anga-aṅ An tö marô-òlkui tananglö chu, hö-ö chin min hanlöinyken.

⁷Im Tēv öp inyööken chu, ineū-euṅ chu inrē: ngam ihong kumlēḵ chu, innyatlö chu inrē, höng im Tēv.

⁸Yī-ö tarik, hayönglenre in Ò örheūheu: hōngnyö vōknyö ellōn re i kūö Ò, innyatlö hī An ngam Tēv.

⁹Kô-òngrit yin vē tarik tötaṙeūḵ nöng törö-ö, vē tö tulöng inrē nö minyôinyaṅ: takööklöng yin min nö el öp kinlah lumngan, höh yin tö töng rö-ö.

¹⁰Un hayönglenre nö i inkihten, un vītenre i unlāya, un im töng rö-ö: yĕn ṙūölöreṙen kanôlò, un kētu ap ellōn nö in e.

¹¹Hĕng heuh, nët heuh ṙô An ngam Yēv, hāngö e chin chū-ö tö ngam minhôiṅyö nö aṅ im Tēv.

¹²Ō Mā, aṅ in Meh an inrē ngam miṙēlōn: pò Meh kô kē-ĕkūö tarik tösā la-en ò.