Read Car_Nicobarese Salmai 63 Bible Online

Salmai 63 - Car_Nicobarese bible

Salmai 63

¹Ō Tēv, Më-eṅ Man Tēv chu; ka-euilökūö chin min chöhö Meh: yal ön ngih nômö chu tö Meh, meūkken Meh ngih alaha chu, ip tönyô, töchei panam, chūök törö-ö mak.

²El ngam töhet chūök chin ngëichken Meh: öich meuk minhôiṅyö Meh, ngam minā-aṅ Meh inrē.

³Pò ngam hanāngen neūkölōn Meh nö mööḵlö tö nômö: ha-öinyö Meh nun në minuh chu.

⁴Ngaich hakôlò Meh chū-ö min, i rô-òten chu aṅ: hachônglö kël re chin min i minë-eny Meh.

⁵Tööḵngen ön min ngihnômö chu tö el tangëḵ tösangöö, sinngööṙö inrē: ngaich ngih elvāng chu min nö ha-öinyö Meh hol tö minuh ṙanāmölōn.

⁶Yē chu fēken Meh el chaman re: ngaich piṙūtken Meh hē el inahaṅti tö hatööm.

⁷Pò Meh öm inyööken chu: ṙāmölōn chin min el nyat sanëòk Meh.

⁸Röhlö ön ngih nômö nö tömkörit Meh: ṙapka chin tö ngam lāhāmö kël Meh.

⁹Yip chamöh ngih nômö chu pöri nö hòṅ fëlö e: chuh lātaṙeū min töng panam.

¹⁰Kētu yip min nö pôḵ ngam sanët: minchö-ö nup am aṅ el inchōn min.

¹¹Ṙāmölōn pöri min ngam Rācha nö im Tēv; kö eū-eure yip min tö chūöku kinlēḵngô nö in Ò: pò ap elvāng yip töṙô-òv min tö minyôiny nö tilūpikūö.