Read Car_Nicobarese Salmai 66 Bible Online

Salmai 66 - Car_Nicobarese bible

Salmai 66

¹Ṙòkhöre panam: pōitô ṙāmölōn im Tēv.

²Tiköknyö ineū-eu ngam minë-eny Ò: vītö nöinyö Ò nö vai.

³Ngö ṙô töm Tēv, pinhe-eṅkūö nun minë vahīṙen Meh: i ṙôken ngam minhôiṅyö Meh, yip tökunyahaṅ elmat min tö Meh nö hang chöngö Meh.

⁴Ṙòkhöre min ngih panam nö salāmö Meh: in Meh min nö tikökṙôre; tikökngö minë-eny Meh min anū-ö.

⁵Tā-a, ngëichkö vahīṙen ngam Tēv: pinhë-eṅkūö nun në la-en Ò nö i vē kūön tarik.

⁶Havöö ngam mai An nö el tanyô: lök ellōn ngam tahël cha-a nö kiröön; tā-a, töi ṙāmölōn in Ò.

⁷Hayöng An örheūheu, i minhôiṅyöre; ngëichkö vē pumnāmö tarik nup mat Ò: uh yip yēḵ töminôṙô nö hapōilöre.

⁸Ō hakôlò ngam Tēv hī, yī-ö tarik: ahangnyö ṙô nöinyö Ò.

⁹Ngam ṙamapkö nômö hī nö im anahaṅ: öt halöngten në röön hī nö halöinyköre.

¹⁰Ō Tēv, pò Meh kalahten ih: kalahten ih Man, sā kinlahten rupīö.

¹¹Kēhötnen ih Man el inhāṅl: hakeunlö tölangan Man i ṙat ih.

¹²Vīten tarik Man nö i kui ih nö hatūlö: lök kūö tameūyö in, lök el mak inrē; kēnyen ih pöri Më-eṅ el chūök kanôlò.

¹³Kum tö töföngö tökētu chin min yih el patī Meh: kētö nup kinlēḵngôre chin min in Meh.

¹⁴Nuk tökaknyu tö në minuh chu: ṙô ngih elvāng chu hē chu kihngen.

¹⁵Kētö tö-alahav chin min töföngö tökētu, hol tö tötahūsa kūön sīnp: kētö kōiny nuā chin min hol tö pököre.

¹⁶Tā-a, hangihtöre, ṙòkhöre yī-ö töpa-ekūö tö ngam Tēv: hòṅ chu min vë-eny tī ò tö ngih nômö chu.

¹⁷Elvāng re ṙô chin hūḵken Ò: ngaich Anga-aṅ nö ha-öinyö töng litāk chu.

¹⁸Yē chu lōn tö öt lanöökö ellōn re: öt hō min ngam Mā nö hang.

¹⁹Kô-en pöri ngam Tēv nö hang: hangihtöre An tö ṙô chu ve-ekūö Ò.

²⁰Tökôlò An yēḵ ngam Tēv, ngam töt mahavööngö kūö ngam ṙô chu ve-ekūö Ò: öt rēhĕn ngam miṙēlōn Ò nö havööṙökūö nö ṙā-ang in chu.