Read Car_Nicobarese Salmai 7 Bible Online

Salmai 7 - Car_Nicobarese bible

Salmai 7

¹Ō Mā Tēv, Tēv chu, in meh chin hanyatlöre: hayööken chu ṙā-ang in yip lamū-u chu, ṙānyen chu inrē;

²Hòn öt sā kūö lāyön anga-aṅ nö chiṙësö chu, panyënyö kūö tö e: i saha e nö öt ṙamānyu.

³Ō Mā Tēv, Tēv chu, yē chu ngaich lūölken e: yē chu aṅhav eltī tö tötlöök;

⁴Yē chu raneushö tī tö tötlöök in ò öp tölām nö in chu: hôṅ, ṙānyen ò chin ngam töt löknyu chöönyi nö lā-al chu:

⁵Hökngen ngam lā-al chu nö lūḵ ngih nômö chu, ngaich kô-òl nö in e: hôṅ, hökngen ò nö rööntö nômö chu nö el tumlat, ngaich hulal tö ngam ineū-euṅ chu nö el tumlat.

⁶I Lanīnöre, Ō Mā Tēv, hōk-löre, hachoholre lā-al inngë-ṙö më lā-al chu: chöönyöten tö chu chōholre; më-eṅ man töchöngu tö inkaha fālen.

⁷Havīlen meh yin yēḵ më töma-ṙôngö: i kui cha më-eṅ havan lātulöng.

⁸Akah fālen an ngam Mā Tēv nö i vē tarik: akaha chu, Ō Mā Tēv, asā ngam lanöökö chu, keuheūtlö nup in chu.

⁹Hökngen ngam ötlanöökö ngam tötlöök nö keuheūt, haköpngö ngam lanöökö pö-ri më-eṅ: pò ngam tölöök Tēv nö kamlah nup ellōn el rahēḵ inrē.

¹⁰Im Tēv an ngam lanaklö chu: ngam mahayööken tö-chiplö ellōn.

¹¹Töchiplö an ngam Tēv nö ma-akaha fālen: hôṅ, Tēv an, nö töt hĕnghang sumkam kumnyahlōn.

¹²Yĕn öt havan ngam tarik, hakeut kūö sanëtre min anga-aṅ: ngaich an nö sōntö lin-renyre, ngaich an nö höngöre.

¹³Ngaich inrē nö halēnṙenre tö nyahaṅ kinpaha: vī kūö tö tötameūyu kūö an chòk.

¹⁴Yĕh meuk, chöknyu an nö holtö öt lanöökö: hòṅ, pirū-kö ötlanöökö an, ngaich kayôḵnyö minyôinyaṅ.

¹⁵Vī anūlö an, ngaich ūlö e: ngaich suktöre nö el öp vahīre anūlö.

¹⁶Havan ap min ötlanöökö ò nö i kui ò: nup chanökhuṙen ò inrē nö teung el chalòng kui ò.

¹⁷Ha-öiny ngam Mā Tēv chin min asā nup lanöökö ò ti-köknyö nöinyö minë-eny ngam Mā Tēv chin min ngam lātulöng.