Read Car_Nicobarese Salmai 81 Bible Online

Salmai 81 - Car_Nicobarese bible

Salmai 81

¹Pōitô tikökṙôre im Tēv kumlēḵ hī: pōitô tö ṙanāmölōn im Tēv Yāköp!

²Kē ngam Salmai, pong hārp tö vai: tö ngam Salmai inrē.

³Föö ngam römpet hē ngam chingëṅt nö ayöö: ip kumtōp, hē el sakāmö nahaṅl hī inrē.

⁴Tön chöngö an nö i Israĕl: inchöngten aṅ im Tēv Yāköp.

⁵Vī-il e Anga-aṅ nö in Yôsĕf nö minkahngö, hē ò nö kiröönngöre nö lā-al ngam panam Aikup: i chūök chu hang ëlô, öp töt huneū-euṅṙô chu.

⁶Kēngö elranôṙö Ò chū-ö tö lumngan: ṙānyu nuk kuntī Ò nö i nuk kuvôkö.

⁷Hu-a Me-eṅ hē el kahingen, ngaich ṙānyen meh chū-ö: sapṙô Meh chin el palēt chūök kunṙôkö; kalaha Meh chin i nup mak i Meripah.

⁸Ō yī-ö tarik chu, hangihtöre, hòṅ chu hameukhöti in Meh: Ō Israĕl, yē meh hō hang ṙô chu.

⁹Uh Man īnu tö tö tohtöre tēv: uh rēhĕn öm salām tö tohtöre tēv.

¹⁰Chū-ö chin Mā Tēv meh, kamënyen meh ṙā-ang ap panam Aikup: pōitikūö man vā-alkūö re, hòṅ chu hatööḵöl e.

¹¹Hö-ö pöri vē tarik chu nö hang ṙô chu: sōḵ tö chu inrē ang Israĕl.

¹²Lökten chin hökngen cha, nö tömrit ngam töt hanvöökenkūö ellōn cha: hòṅ cha nö lök im kanahngenre inlēnö tö cha.

¹³Ō hang ṙô chu yin öre vē tarik chu: hòṅ lök el talöökö chu ang Israĕl!

¹⁴Ngaich chū-ö öre tumṙeūtö vē lā-al cha: ngaich havöötö ngam kël re nö lā-al yip tö kunyahaṅ-elmat tö cha.

¹⁵Yip tö sumrik tö ngam Mā Tēv, hòṅ hang chöngö Ò: öt chanuhavṙen pöri ngam ṙētak cha.

¹⁶Ha-aṅlen cha öre Anga-aṅ tö tö pahīöya atra: hatööḵngen Meh inrē tö hönī aṅ alaha ihong.