Read Car_Nicobarese Salmai 84 Bible Online

Salmai 84 - Car_Nicobarese bible

Salmai 84

¹Ō Tēv yip tömaṙôngö: hanāngen nun në inrūkui Meh!

²Yikölōn ön ngih nômö chu, hôṅ, hangen tö ngam el patī ngam Mā Tēv: hūḵnyôre ngih ellōn chu, akaha chu inrē nö im tö aṅ Tēv.

³Hôṅ, kôtökūö ngam röichö tö patī re, kôtökūö inrē ngam likup tö fôngöre, chūök tī re nö ṙātö ap kūön re, tö minë tahāklö Meh: Ō Mā Tēv yip tömaṙôngö, Rācha chu, Tēv chu inrē.

⁴Tökôlò yip cha-a mi-iyöng el ngam patī Meh: irūöhen yip min nö ha-öinyö Meh.

⁵Tökôlò ap tarik öp mi-in Meh kumlēḵ: öp tö aṅhaṅv ellōn tö nup talöökö Siyôn.

⁶Lök el achāṙö Pineūyö, vīten e cha-a nö chūök tö pöklö mak: hôṅ, ngam tö ka-euiti kumṙah, kahultö kui e tö inkôlò.

⁷Hol tö kulēḵre cha-a nö kiröönngöre: kö i kūö ngam Tēv cha-a nö meūkö nö i Siyôn.

⁸Hang vine-eṅkūöre tö ih Ō Mā, Tēv yip tömaṙôngö: asītö elnang re, Ō Tēv Yāköp.

⁹Yĕh meuk ngam lanaklö ih, Ō Mā Tēv: ngëichkökūö ngam tö hachāmö el kui tö meh.

¹⁰Höng hĕng sumkam el ngam patī Meh, ngaich nö mötlö tö tö hĕng köṅny sumkam: ĕhten chin öre chū-ö höng yōm inkūp ngam patī ngam Tēv chu, tö inyöngö el inrūkui tötlöök.

¹¹Pò ngam Mā Tēv nö tavūöi, lanaklö inrē, kētö inkôlò An min ngam Mā Tēv: öt ma-iṅh tī re An tö nup tölöök nö i yip lamök i tö chiplö.

¹²Ō Mā Tēv yip tö maṙôngö: tökôlò ön ngòh tarik, ngòh mahayönglenre nö in Meh!