Read Car_Nicobarese Salmai 88 Bible Online

Salmai 88 - Car_Nicobarese bible

Salmai 88

¹Ō Mā Tēv, ngam Tēv, inyööken chu: peuheū, harap ṙô chin peuinyhökūö Meh.

²Hökngen öp ṙô chu ve-ekūö Meh nö sölhöt nö i kūö Meh: asītö elnang re Man im ṙô chu peuiny.

³Tön tööḵlö ön ngih ellōn chu tö kanihngen: röhta an inrē ngam nômö chu nö el chūök kupah.

⁴Ngaich chin kaheuktu in cha yip chamuh el anūlö: sā tarik chin töt hōluṙen.

⁵Kavāli pöri kupah, sā tö fëli öp tö hulahaka, nö el anūlö: öp töt ōtre infēka tö Meh; ngaich acha-a nö rökiṙen nö ṙā-ang el tī Meh.

⁶Ngaich Man haṙōlngen chu el ap lātaṙeū takô anūlö: el tö sangūla chūökö, el ngam tö aṙū.

⁷Röpta ngam lanīnö Meh nö in chu: ngaich Me-eṅ hakihten chu, Öm aṅtī tö minë mahūṅvö Meh.

⁸Ṙūhöyö yik mak-alaha chu tö Meh nö marôvat; vītu chin tö Meh sin-òkkūö cha: öpikūö chin, ngaich öt kô öich meutnyi.

⁹Kūö kanihngen chu nö lënyi në mat chu: Ō Mā Tēv, öt hĕnghang sumkam ṙô chin havëken Meh, hanyāklö në kël re chin in Meh.

¹⁰Hameuktö pinngangkūö Öm min i kupah: choholre yip tö kapah min nö ha-öinyö Meh?

¹¹Vënyu öng min ngam miṙēlōn hanāngen Meh nö el anūlö: hēk, ngam kanô-en, nö tinṙölngö?

¹²Akaha nup min pinngangkūö tī Meh nö el sinngūlö: ngam lanöökö Meh inrē nö el ap panam vanaichngö?

¹³Ō Mā Tēv, peuinyhökūö Meh pöri chū-ö: hē el peuheū ap min vine-eṅkūö Meh tö chu nö söllö nö i kūö Meh.

¹⁴Mā Tēv, kūöyòh Öm kavalngö ngih nômö chu: kūöyòh Öm hanyatngö kūöre tö chu?

¹⁵Löktö kūö nyinī-öre chin kihten, lēn inrē kapah: tūökngöre chin i saha chu kihngen tö ngam aṅ in Meh pinhe-eṅkūö.

¹⁶Lök i kūö chu an ngam tö kalēḵ tanānyö Meh: rökiyö chin tö ngam pinhe-eṅkūö aṅ in Meh.

¹⁷Sā yanīhi mak nun nö havīlen chu, nö i rô-òtö sakāmö: havīlen chu nun nö holṙen re.

¹⁸Ṙūhöyö yik tö Meh tö hāngen, hol chu inrē, nö marôvat tö chu: yik mak-alaha chu inrē nö el sinngūlö.