Read Car_Nicobarese Salmai 91 Bible Online

Salmai 91 - Car_Nicobarese bible

Salmai 91

¹Ngòh mi-iyöng el ngam tönyatngö chūök ngam Lamātulöng: köp min nö el katòh nyat ngam Tökeuheūttöre Chöngö.

²Ngö ṙô chin min tö ngam Mā Tēv, Innyatlö chu An, tananglö chu inrē: Tēv chu, chūök chu hayönglenre.

³Pòn ṙānyen meh min Anga-aṅ öm ṙā-ang el öp tinngöp, tinngöp chehechōn: ṙā-ang i nup töṙënuṙô invah lanëlngö.

⁴Hanyattu kui man min tö sanëòk Ò, el katòh kël Ò min me-eṅ hanyatlöre; lanaklö an ngam kanô-en Ò, kun lanaklö inrē.

⁵Öthō man pa-ekūö tö pinhe-eṅkūö tö hatööm: ötrēhĕn tö chòk tö lirënyi tö sakāmö.

⁶Töp invah lanëlngö öp lamök el sinngūlö: ötrĕhēh töp inlëlngö, tö yëḵngen tī hē el sakāmö.

⁷Köṅnyu nup min famuk sīṙö meh; söm köṅny inrē nö lahāmö meh: hö-ö pöri min angū-ö nö haröhtöre nö in Meh.

⁸Höng hatīöna min minë mat Meh: meuk raneushö yip tötlöök.

⁹Pò Meh, Ō Mā Tēv, Öm Me-eṅ innyatlö chu: vīlö ngam Lamātulöng Man ngaich nö elyöngö Meh.

¹⁰Öt lökö man min tö tölöök, ötrēhĕn min tö lëlngökūö invah: nö haröhtöre nö im inrūkui Meh.

¹¹Pòn kētö yip ma-aṅhānga re min Anga-aṅ nö hayōmö Meh: nö aṅten Meh nö el nup talöökö Meh.

¹²Taha Meh yip min nö aṅtī tö eltīre: hòṅ Meh öt sōngtöre röön i ihong.

¹³Lök i kui lāyöm man min, pēch inrē: ngaich Me-eṅ min rööntö kui ngam ṙālö lāyön, tö ngam pēch inrē nö elröön Meh.

¹⁴Pò Ò nö in chu tī töp hanāngenre, lökten chin min ṙānyen ò: latulöng tī chin min tö ò, pò ò nö akahakūö tö mine-eny chu.

¹⁵Havëken chu An min, ngaich sapṙô Ò min chū-ö; in Ò chin min hē el kanihngen: ṙānyen ò chin min, ineū-euṅv min inrē anga-aṅ.

¹⁶Hatööḵngen ò chin min tö nômö tö marôtòng: hameukhömat ò inrē tö ngam inyööken aṅ in chu.