Read Car_Nicobarese Salmai 92 Bible Online

Salmai 92 - Car_Nicobarese bible

Salmai 92

¹Tölöök an angū-ö nö nöiny tötī nö im Mā Tēv: ngam tinkökṙôre inrē tö nöinyö ngam mine-eny Meh, Ō Me-eṅ Lamātulöng.

²Ngam inmeuktö ngam hanāngen neūkölōn Meh tö el peuheū: ngam kanô-en Meh inrē örheūheu tö hatööm.

³Holtö nup tö sömö inröt ranöng, hol tö salmai inrē: hol tö ṙēm ṙô öp hārp inrē.

⁴Mā Tēv, pò Meh lökten im la-en re tī vīten chu ṙāmölōn: lökten i minë la-en minë kuntī Meh chin min mihôiṅ.

⁵Ō Mā Tēv, yöng ṙôkö minë la-en Meh: tö aṙū-uti nup chanöh ellōn Meh.

⁶Öt akahakūö ngòh tarik tötlē-ĕ ṙô: ötrēhĕn ngòh tö kulō-ov nö akaha-elmat tö e.

⁷Hē ngam tötlöök nö sā kiyôp nö sīöplö, hē yip tö lā-evṙen tö tötlöök nö kôlòṙen: inkamngö cha an, tö cha min nö tö urāḵngen nö payāyi.

⁸Ō Mā Tēv: töng örheūheu pöri Me-eṅ latulöng.

⁹Yĕh meuk, pò vē lā-al Meh, meh min nö öt kôlò: ṙòkhöre vē tötlöökö lā-en min nö pirātiyö.

¹⁰Hapōilöng pöri ngam sinrōl chu tö Meh, sā sinrōl nup hanchōn nuā: hachāmö chin tö tufömngöre tavī-i.

¹¹Kôtamat chin inrē öich meuk lōn re i vē lā-al chu: hang nup lōn chu nun në elnang chu i tötlöökö la-en, yip chamôhòlre nö lā-al chu.

¹²Kôlò min ngòh tötlöök, nö sā ta-ôkö: sīöp an min nö sā sītör i Lepenön.

¹³Teūchtu yin nö el patī ngam Mā Tēv: ngaich kôlò min, nö el patī ngam Tēv hī.

¹⁴Ṙòngmöng ṙôngu yin min ip kanöinyö re: tööḵlö yin tö mak-alahare, ngaich ayal inrē.

¹⁵Inmeuk tö ngam Mā Tēv nö tö chiplö: ihong chu An, öt īnu An tö töt chiplen.