Read Car_Nicobarese Salmai 96 Bible Online

Salmai 96 - Car_Nicobarese bible

Salmai 96

¹Ō tikökṙôre i ngam Mā Tēv tö tufömngöre tinkökö: ṙòkhöre panam, tikökhökūö ngam Mā Tēv.

²Tikökhökūö ngam Mā Tēv, hakôlò ngam mine-eny Ò: kaheuk sakāmö hameuktö ngam inyööken aṅ in Ò.

³Vënyö ngam kanôlò Ò i vē pumnāmö tarik: minë pinngangkūö la-en in vē tarik nö ṙòkhöre.

⁴Tön kiröng An ngam Mā Tēv, tö hòṅ tulöng nö ha-öinyö: tö hòṅ pahe-ev An nö mötlö tö tēv nö ṙòkhöre.

⁵Pòn ṙòkhöre nö tēv vē tarik nöng tö rö-ö vīlen ngam halīöngö pöri ngam Mā Tēv.

⁶Inrōilö, minā-aṅ inrē urēhĕkūö Ò: kumlēḵ, vanāyö inrē, el ngam töhet chūök Ò.

⁷Kē-ĕkūö ngam Mā Tēv yī-ö mak-alaha vē tarik: kē-ĕkūö ngam Mā Tēv, tö ineū-euṅ, kumlēḵ inrē.

⁸Kē-ĕkūö ngam Mā Tēv tö ngam ineū-euṅ, lamöö im mine-eny Ò: kum tö tökētu, yih el nup patī inrē.

⁹Ō, salām ngam Mā Tēv i vanāyö hanātö: ṙòkhöre panam kichëyöre i kūö Ò.

¹⁰Ngö ṙô tö yip pumnāmö tarik, Hayöng An ngam Mā Tēv, köp an ngam panam lökten e nö öt hanlöinyken: Anga-aṅ An min ma-akaha fālen vē tarik Ò, nö ṙōngö tī.

¹¹Ṙāmölōn an yēḵ ngam halīöngö, ṙāmölōn inrē yēk ngam panam: hökngen ngam mai yēk nö ayôṙa, nup tanö-öl e inrē.

¹²Hökngen ngam taṙeū nö pōi ṙanāmölōn, aṅ e inrē: ngaich min nö ṙòkhöre nup chōn el-inchōn, nö tiköknyö ṙanāmölōn re.

¹³I kūö ngam Mā Tēv, pòn yih Anga-aṅ; pòn yih Anga-aṅ nö akah fālen ngam panam: akah fālen ngam panam An min im lanöökö, vē tarik inrē hol tö ngam kanô-en Ò.