Read Car_Nicobarese INCHŌḴ-OṘÔ 5 Bible Online

INCHŌḴ-OṘÔ 5 - Car_Nicobarese bible

INCHŌḴ-OṘÔ 5

¹Kūön chu, kūötenre tö ngam mikah aṅ in chu, asītö elnang re i mikah elmat aṅ in chu;

²Hòṅ meh haköp mikah el mat, minë minuh meh inrē nö aṅtö mikah.

³Pòn tö katāka hönī nup minuh ngòh tötayōla kikānö, mötlö finṙëchö inrē ap ṙô ò tö tavī-i;

⁴Ip lā-unôich pöri anga-aṅ nö angū-öṅvö tö chōn tö-angūövö, keut sā tö-aṅlākūö sanët.

⁵Kū-ötö im kinpaha nup röön lök el kanröönö chūök tökapah nup vanāngö ò;

⁶Öt kūötenre anga-aṅ tö talöökö nômö; tayôyi talöökö anga-aṅ, ngaich öt akahakūö tö e.

⁷Ō yī-ö nyīö, hang ṙô chu töngamuh, ui kē-ĕngre inrē ṙā-ang minë ṙô el vāng chu.

⁸Ṙūöngö talöököre man marôvat tö ò, um haröhtöre i inkūp öp patī ò;

⁹Hòṅ meh öt kēngö ineū-euṅre i tahëng nup samyeūheu meh inrē nö im töt aṙē-ĕlōn;

¹⁰Hòṅ yip aṅ tahëng nö öt hatööḵngenre tö kumlēḵ meh, nup la-en meh inrē nö chuh patī aṅ tahëng;

¹¹Ngaich aluhure min me-eṅ ip manā-aṅ nômö meh hē nup alaha ngam alaha meh inrē nö keuheūt,

¹²Ngaich ngö ṙô me-eṅ, Yöng inlahen chu surīkhö hinang chöngö öt chumkūöṙen inrē ellōn chu tö vinëköre.

¹³Öt hang ṙô mahaköptöre chin hēk öt asītö elnang re i ṙô mahaköptöre.

¹⁴Ngaich chin lā im öt kanôlò el manūlö tömaṙôngö.

¹⁵Òk el chūök makre man töhëmlö aṅ el öp tö-ūlö mak meh.

¹⁶Höng hökiṙen ṙöng nup töhëmlö mak meh nö parāti chūök, nö töhhaka mak el talöökö?

¹⁷Hökngen u nö kanahngen meh, un in yip aṅ tahëng inrē in meh.

¹⁸Hökngen ngam löklö mak meh nö tökôlò, ṙamölōn inrē me-eṅ ip pīhö meh tö-ayal,

¹⁹Ngòh tövai hāin, tölöök tō. Hökngen ap hanāngen ò nö hatööḵngen meh nö örheūheu holtö kumchiklōn, hatööḵngen öp hanāngenlōn in ò örheūheu.

²⁰Kūöyòh ṙöng öm hatööḵngen hanāngenlōnre, kūön chu, i tö tayōla kikānö fūöl elngòh ngam kamahanglōnre inrē kikānö?

²¹Pòn i kūö ngam Mā Tēv nup talöökö ngòh tarik, meuk nup kanröönö ò anga-aṅ nö ṙòkhöre.

²²Tingöpan nup öt lanöökö tötlöök, kô-òngvah inrē anga-aṅ nö i la-en tökööl re.

²³Kapah anga-aṅ pòn öt hang chöngö, chatngen ngaich kūö yöng kumlō-ovre.