Read Car_Nicobarese INCHŌḴ-OṘÔ 7 Bible Online

INCHŌḴ-OṘÔ 7 - Car_Nicobarese bible

INCHŌḴ-OṘÔ 7

¹Kūön chu, haköp ṙô chu halinngen në chöngö chu inrē in meh;

²Haköp në chöngö chu ngaich ngöh aṅ, haköp në inköphöti aṅ in chu nö sā ellōn mat meh;

³Nyëkngö u i kuntī meh, kūichö u i mat tö mitāk ihong ellōn meh.

⁴Ngö ṙô tö mikah, Kanānö chu mana, havëkö öp mikah elmat nö milālö hol meh;

⁵Nö mahaköpö meh ṙā-ang i tö tayōla kikānö, ṙā-ang i kamlah kanihngen tö faṙëcha ṙô.

⁶I lökhöt öp kuföt inkūp öp patī chu, môknyökūö re chū-ö löknyö nup tö supānö nyatkūö inkūp,

⁷Ngaich meuk yik töt akaha, meuk aṅ in yik ṙālö inrē, öp tarik hĕng tak tötmikahavö,

⁸Nö lökngö el talöökö ranghö sinkeukngö chūök öp kikānö, kāntöre nö i talöökö öp patī ò,

⁹I chinṙīv tö harap, hē hatööm sinngūlö inrē.

¹⁰Yĕh meuk, höngkūö ò ök hĕng tak kikānö, inyuttö inyut mi-inyihköre, keūṙö ellōn.

¹¹Pōitô anga-aṅ karöönaröön inrē, öt köpö elröön anga-aṅ nö el patī;

¹²El talöökö töngamuh, i chūök mi-inyih töngamuh; keuheūt sinkeukngö anga-aṅ inrē nö höng.

¹³Kē an ngaich anga-aṅ ngaich hamkūö ò, öt sirōngkūö inrē nö ngö ṙô tö ò;

¹⁴Hòṅ kētö tökētu chin, ngaich taheui öich kētö tö chūöku ṙô re;

¹⁵Lökten chin kunyī-inyre höngkūö meh, kalē-ĕlōn chöhö meh, ngaich öich kôtökūö tö meh.

¹⁶Ngaich chin haṙēhtö el chamam re öich hanyöṅtö e, tö mirunmat aṅ Aikup linen haṙĕhtu nö ngaich;

¹⁷Ngaich chin tumhuṅslö el ap chamam re tö mūr, alō, sinamon inrē.

¹⁸Tā-a, tai hatööḵngen hanāngenre söllö peuheū; tai kumchikngen re i hanāngenlōn.

¹⁹Tön öt i patī öp pīhö chu; ngaich ök nö marô-òlkūö kinröönngö;

²⁰Kēkö inyul rupīö re öku nö in ò; ip soho öp min nö yih nö i patī.

²¹Ngatī inṙöi ṙô anga-aṅ nö mileūchö ṙô tö ò; līpan anga-aṅ nö holtö ṙô töfaṙëcha.

²²Ilööṙen ngaich anga-aṅ nö tömrit ò; sā öp kōiny nuā nö kiröönngöre nö i ṙamatnyö likeun, hēk sā öp sistek nö köp nö kô-òng vah.

²³Hanöng saha öp chòk nö tanhötkūö; sā öp chehechōn tameungtöre nö el tinngöp; öt akahalōn anga-aṅ tö e min nö tö ṙāi tö nômö ò.

²⁴Ō kūön kikōnyö hangihtö ṙô chu töngamuh, kūötenre inrē tö në ṙô elvāng chu.

²⁵Um hökngen ellōnre nö kānngöre nö i talöökö ò, um lō-ongkūö el kanröönö ò,

²⁶Tön ngaich an nö maṙôngö pôḵ tö töhulalhaka; hôṅ, ṙòkhöre yip pôḵ ò nö maṙôngö tökalēḵ.

²⁷Talöökö Chūök Tökapah ap patī ò, kū-ötö lā taṙeū el nup urôhò kinpaha.