Read Car_Nicobarese INCHŌḴ-OṘÔ 9 Bible Online

INCHŌḴ-OṘÔ 9 - Car_Nicobarese bible

INCHŌḴ-OṘÔ 9

¹Mānlö patī chu an ngam mikah, asöklö nup tösat an inrē machööḵlö.

²Ṙatnyö likeun chehenre an tö töṙeūla, katĕh ngam vāin re nö ngaich, lēnö tī an nö ngaich tö ngam mīs.

³Ngaich an nö tīnngö tarikre kikānö nö havëtö yip aṅ lā tulöng chūök: el panam,

⁴Öp töt akahaṙā, hökngen ò nö kānhötre nö ihih. Ngö ṙô an nö in ò öp töt akaha,

⁵Tā-a, nyā nyā-aṅkūö chu òk öp katĕh chu inrē vāin.

⁶Ṙāngö ngam öt mikah, ngaich ngöh aṅ, lök el ngam talöökö lā tuhēt mat inrē.

⁷Ngòh vamëkö tö mināich kē öt linëkö elnang re, anga-aṅ ngòh vamëkö tötlöök tarik kēḵ inchököre.

⁸Un vëkö tö mināich, tön surīkhen meh an min; vëkö tö akaha tarik, ngaich hāngenlōn anga-aṅ tö meh min.

⁹Haköptö tö akaha tarik, ngaich anga-aṅ nö ṙūölen re nö akahaṙa; haköptö tölöök tarik, ngaich ṙūölenre anga-aṅ min nö haköp.

¹⁰Ranehlö mikah an ngam pinhë-eṅkūö tö ngam Mā Tēv, lā tuhēt mat inrē ngam inkaha ngam Töhet.

¹¹Pòn lökten in chu min minë sakāmö meh nö ṙūölöre ṙôken, minë samyeūheu meh min inrē nö ṙūötö nômö meh.

¹²Yē meh akaha, akaha me-eṅ inrē, yē meh mināich, hĕng kūö min me-eṅ keūnö e.

¹³Tö maṙën ṙô ön ngòh tö kulō-ovö kikānö; töt lanāken ön öt akahakūö inrē tö sumrōngkūö.

¹⁴Ūichhak an i kūö inkūp patī re, kēḵ anūchöre an nö el chūök mā el panam,

¹⁵Havëkö yip töng chamööḵngöre, yip töng mahachipkūöre inrē nö kiröönngöre,

¹⁶Öp töt akahaṙa, hökngen ò nö kānhötre nö ihih? Ngö ṙô inrē tö ò öp töt aṅhav-in tö mikah,

¹⁷Pachāka nun në tö ulāyi mak, kuchik inrē në nyā-aṅkūö tö ulāika nyinā-aṅ.

¹⁸Öt akahalōn pöri anga-aṅ töp kupah nö umuh, tö ngam ngahöönkö ò inrē nö el öp tö-aṙū Chūök Kupah.