Read Car_Nicobarese Mumkahten 1 Bible Online

Mumkahten 1 - Car_Nicobarese bible

Mumkahten 1

¹Në ṙô ök Mumkahten, ök kikōnyö kūön Tāvit, rācha i Yērusalem.

²Chanök alaha aṅ i chanök alaha, ṙô ngam Mumkahten, chanök alaha aṅ i chanök alaha! Ṙòkhöre aṅ i chanök alaha.

³Suh ap taneūngen ngòh tarik i nuk la-en nup la-en ò el katòh ngam tavūöi?

⁴Kiröönngöre tö hĕng köl chap, yih inrē töhĕng köl chap, örheūheu pöri ngam tumlat nöng ngöh.

⁵Meutlö ngam tavūöi meutti inrē nö chuh ip chūök löklö ò nö meutlö.

⁶Föötöre ngam kuföt nö kū-ö tö lòhngö, havīngöre inrē nö lākapā; chavīṙa röön ngam kuföt, havantöre ngam kuföt inrē ip chinvīṙö e.

⁷Ṙòkhöre nup töhëm mak nö kū-ötö el mai, öt tööḵlö pöri ngam mai; ip chūök tö hëm mak nö hëmti, in e anū-ö nö hëmti nö hēk.

⁸Ṙòkhöre nö tööḵngen tö chanëyö; tö kônyô ngòh tarik tö e; öt tööḵngen ngam mat tö maheuṅkre, öt rēhĕn ngam nang nö tööḵlö tö ahangre.

⁹Öp tö ngaichngen ngaich nö angū-ö min, ök tökeuheūten inrē ngaich angū-ö min tökeuheūten; öt tufömngörevö inrē el katòh ngam tavūöi.

¹⁰Chehënu hòng öp tö ngö vinë-eny Yĕh meuk, tufömngöre ön ngòh? Tö ha-ëhelen ana, i nuk samyeūheu urēhĕkūö hī.

¹¹Öt kanöpulōn umuh tö nuk lā urĕh, öt rēhĕn min nö kanöpulōn nö umuh tö nup tö öltöre yīhi in cha yip lā unôich nö yih.

¹²Rācha chin chū-ö misī Mumkahten i kui Israĕl öich i Yērusalem.

¹³Ngaich kētö ellōn re chū-ö chöh, kiluh mikah inrē i nup el katòh ngam halīöngö tö keuheūten; öt kumchiklōn an nö la-en ngam kahëtö ngam Tēv nö in vē kūön tarik nö la-en cha.

¹⁴Keuheūt maheuṅkre chin el katòh ngam tavūöi tö tökeuheūten; yĕh meuk, ṙòkhöre nöng chanök alaha lāḵlö ngam kuföt nö unôich inrē.

¹⁵Öp tö kuròk ötkô nö vī-i nö chip, öp tö hāṅten inrē ötkô nö kaheuktu.

¹⁶Ngö ṙô ngaich chū-ö tö re, Teūngen chin tö yöng mikah, tôichlö tö yik i Yērusalem nö ṙòkhöre urēhĕkūö chu; ngaich inrē ngam ellōn chu nö pōyen mikahkūö tö mikah inkaha inrē.

¹⁷Kētö ellōn re chin inrē hòṅ akahakūö tö mikah hòṅ akahakūö inrē tö kintūöyen kumlō-ov. Meūkö e chū-ö pöri inrē nö lā-al ngam kuföt nö unôich.

¹⁸Pòn im tö pōyen mikah pōyen inrē ngam kanihngen, anga-aṅ ngam ṙamūölö mikahre ṙūölö miṙivlōn.