Read Car_Nicobarese Sòlòmön 6 Bible Online

Sòlòmön 6 - Car_Nicobarese bible

Sòlòmön 6

¹Chuh yih ök hanāngen meh, Ō tövai aṅ i kikānö? Lökyih röön ök hanāngen meh hòṅ ih hol meh chöhan?

²Chuh el ök panô-òṅ re ök hanāngen chu, el chūök tötahūsa, ha-aṅlö nup chehen re nö el panô-òṅ, hamūl lilī inrē.

³Hanāngen ò chin chū-ö hanāngen chu inrē anga-aṅ; ha-aṅhal chehen re ap i nup lilī.

⁴Vai man sā Tirsā, hanāngen chu, löök sā Yērusalem, pinhë-eṅkūö sā kumyung tö pantēravö.

⁵Chingāngö matre man tö chu, tön kilangken chu nun sā töhĕng kiteūm pököre minë keūyö meh, tö chahīöma i nup paneūti Kilīöt.

⁶Minë kanap meh sā töhĕng kiteūm kan sīṅp, nup pameūlöre nö ṙā-ang sinöichöre, ṙòkhöre anū-ö nö nët nòng kūön, öt hĕng nòng in u tö miṙīvilōn.

⁷Minë arëkūö meh sā töhĕng tāk anār nö el inyul kūö meh.

⁸Tafūöl anāi yip rāni hëvhöre anāi yip pīhö töl, tö kanṙeūken kikānö tarik alaha.

⁹Pumpa chu, töteung in chu, töng hĕng tak, lālö öp yöng re kikānö, öt mirūnuvö ip kamyôḵnyen ò. Meūkö ò yip kikānö tarik alaha havëken ò ngaich nö ṙānāmölōn; yip ranī tö yip pīhö töl inrē, ha-öinyan cha-a.

¹⁰Achiāng ngòh tömeūkö sā minlīlö peuheū, vāi sā chingëṅt, yang sā tavūöi, pinhë-eṅkūö sā kumyung tö pantēravö?

¹¹Chuh el panô-òṅ kulöl chin, öich ngëichkö panöpnyö ṙòng el achāṙö, öich ngëichkö nup vāin nö meūnylö, yē nup anār nö pöpnyöre kūö ṙòng.

¹²Urēhĕkūö chu akahaiṙen, ha-ūichlen chu ngaich tölōn chu holtöṙah kūön rācha el inröl.

¹³Kiṙīöm, kirīöm,, kikānö aṅ sulām. Hökngen ih meukröön meh öm kiṙīöm. Kūöyòh öm hòṅ meukröön chu yĕich kiṙīöm ihôi töng ngamë cha?