Read Car_Nicobarese ISIKĪ-ĔL 15 Bible Online

ISIKĪ-ĔL 15 - Car_Nicobarese bible

ISIKĪ-ĔL 15

¹Ngaich yih ngam ṙô ngam Mā Tēv nö in chu:

²Kūön tarik, sitih inlahen öng ngam chōn vāin nö yahlö vanāyö tö töng chōna, ngam pak vāin nö i nup chōn el inchōn?

³Vī-i nup ṙung chōn tökē-ĕ nö ṙā-ang in ò? In ò yip ṙung tarik nö kēḵ saneūṙö chehen?

⁴Yĕh meuk, höng ngòh ön ṙung tö kētu nö i kūö tameūyö; yē ngam tameūyö nö ṙāpngökūö tö nup tö-āṅngörekūö e, ngaich öp ṙat e nö ta-ök, kanôlu ṙô kūö öng angū-ö tö yô-òv?

⁵Yĕh meuk hē e nö rötren, öt kanôlu ṙô kūö angū-ö; ngaich höichngen, yē ngam tameūyö nö ṙāpngökūö tö e ngaich nöng ta-ök hötitö angū-ö, kô-òren öng nö kētuṙen nö i yô-òv!

⁶Lökten an nö ngö ṙô ngam Mā Tēv; Sā ngam chōn ngam vain nö i në chōn ngam el inchōn, ngam tö kētu tö chu nö i kūö ngam tameūyö nö ngòh, ngatī tī chin min kēngö yip aṅ Yērusalem.

⁷Havöötökūöre chin min lā-al cha; pòrô cha-a nö ötkô-òngvah tökūö tameūyö, ngaich sön ngam tameūyö min nö ṙāpngökūö tö cha; ngaich yī-ö min akahalōn tö chu öich Mā Tēv; hē chu havöötökūöre lā-al cha.

⁸Vīten ngam panam chin min nö öt aṅhavkūö; pò cha nö öt kô-en inlahen, ṙô ngam Mā Tēv.